އަބްދުއްރަހްމާން
ޤަވައިދާ ޚިލާފަށް ރާއްޖޭގައި އުޅެމުންދާ ބިދޭސިން ހޯދުމަށް މޯލްޑިވްސް ޕޮލިސް ސަރވިސްގެ ކެޕިޓަލް ޕޮލިސްގެ ވައިލަންސް ރިޑަކްޝަން ޔުނިޓުގެ ފުލުހުން ލޭބަރ މިނިސްޓްރީއާ ގުޅިގެން ހިންގި ޚާއްސަ އޮޕަރޭޝަނެއްގައި 41 ބިދޭސީއަކު ބުރާސްފަތިދުވަހު ފުލުހުންގެ ބެލުމުގެ ދަށަށް ގެނެސްފިކަމަށާއި މިއެންމެނަކީވެސް ބަންގްލަދޭޝްގެ ރައްޔިތުންކަމަށް ފުލުހުން ބުނެފިއެވެ.
ފުލުހުން ބުނަނ މިމީހުން ފުލުހުން ހައްޔަރުކޮށްފައިވަނީ މިއަދު ހެނދުނު 8:00 ހާއިރު މަޖީދީ މަގުގައި ހުންނަ މޯބައިލް ފިހާރައެއް ކަމުގައިވާ ސީޕީ ފިހާރަ ކައިރިންކަމަށެވެ. މިއޮޕަރޭޝަނުގައި ފުލުހުން މިއަދު ހައްޔަރުކުރި 41 މީހުންގެ ތެރޭގައި ހިމެނެނީ ވޯރކް ޕާރމިޓް ކާރޑު ނެތް މީހުންނާއި ވޯރކް ޕާރމިޓް ކާރޑުގެ މުއްދަތު ހަމަވުމަށްފަހު ރާއްޖޭގައި ޤަވައިދާ ޚިލާފަށް އުޅެމުންދާ މީހުންކަމަށް ފުލުހުން ބުނެއެވެ.
No comments:
Post a Comment