އަބްދުއްރަހްމާން
މާލެތެރޭގައި ހިނގަމުންދިޔަ ސިލްސިލާ މާރާމާރީތައް ހުއްޓުވުމަށްޓަކައި މިމަހުގެ 7 ވަނަ ދުވަހުން ފެށިގެން އެމް.އެން.ޑީ.އެފްގެ ފަރާތުން ކުރިއަށްގެންދާ ޚާއްޞަ އޮޕަރޭޝަންގައި، ސިފައިންގެ ބެލުމުގެ ދަށަށް މިހާތަނަށް ގެނެވިފައިވާ 47 މީހުންކުރެން 41 މީހަކަށް ނަސޭހަތް ދިނުމަށްފަހު ދޫކޮށްލާފައިވާކަމަށް ސިފައިން ބަޔާންކޮށްފިއެވެ.
ސިފައިން ބަޔާންކުރާ ގޮތުގައި 6 މީހަކު ވަނީ މޯލްޑިވްސް ޕޮލިސް ސާރވިސް އާއި ހަވާލުކުރެވިފައެވެ.
ވޭތުވެދިޔަ 24 ގަޑި އިރުގެ ތެރޭގައި 7 މީހުން ވަނީ ސިފައިންގެ ބެލުމުގެ ދަށަށް ގެނެވިފައެވެ. މީގެތެރޭގައި 18 އަހަރުނުވާ 3 ކުދިންވެސް ހިމެނޭކަމަށް ސިފައިން ބުނެއެވެ. ސިފައިންގެ ބެލުމުގެ ދަށަށް ގެނެވުނު މީހުން ގެނެވިފައިވަނީ މާރާމާރީ ހިންގުމަށް ބޭނުންކުރެވިދާނެ ތޫނު ހަތިޔާރުފަދަ ތަކެއްޗާއެކުކަމަށާއި، މިތަކެތި ފެނިފައިވަނީ މިމީހުން ދުއްވި ސައިކަލުތަކުގެ މަޑިދަށުންނާއި ކާރުތަކުގެ ތެރެއިންކަމަށް ސިފައިން ބުނެއެވެ.
No comments:
Post a Comment