6 އަހަރުގެ ކުޑަ އަންހެން ކުއްޖަކާއެކު ގަދަކަމުން ބަދު އަހްލާޤީ ޢަމަލު ހިންގާފައިވާކަމަށް ބުނެ ސިފައިންގެ މީހަކަށް ކުރާ ޝަރީއަތެއް މިއަދު ޖިނާއީކޯޓުގައި ފަށައިފިއެވެ.
މޯލްޑިވްސް ނޭޝަނަލް ޑިފެންސްފޯސްގެ ލާންސް ކޯޕްރަލް އަހްމަދު މުހަންމަދު (ހއ ކެލާ) ގެ މައްޗަށް ކުރާ ދައުވާގައި ބާލިޣްނުވާ ކުޑަ އަންހެންކުއްޖަކަށް އޮރިޔާން ފިލްމުދައްކާ އެކި ގޮތްގޮތުން ޖިންސީގޯނާކޮށް ބަދުއަހްލާޤީ ޢަމަލުހިންގާފައިވާކަމަށް ބަޔާންކޮށްފައިވެއެވެ. އަދި ކުޑަ އަންހެން ކުއްޖާ ކުޅެން އުޅުމުގެ ތެރޭގައި އެހެން ކުޑަ ކުއްޖެއްގާތު "އައްމަޑޭބޭ ޒިބުތިރިކޮށް ބިރުވެރި އެއްޗެއް" ދައްކާފައިވާކަމަށް އަންހެން ކުއްޖާ މަންމަގާތު ބުނެފައިވާކަމަށާއި ކުޑައިރުންފެށިގެން މެޓައާއި އައިސްކުރީމް ގަންދީ ސައިކަލް ދުއްވަން ގެންދާކަމަށް ވެސް ދައުވާގައި ބުނެފައިވެއެވެ. ހަމައެހެންމެ އެ އަންހެން ކުއްޖާ ހެންވޭރުގައި ހުރިގެއަކަށް ގެންގޮސް ގެންގުޅުނުކަމަށާއި މާފަންނުގައި ހުންނަ ގެއަކަށް ގެންގޮސް އުޅެނިކޮށް މީހުންނަށް ފެނި އެވާހަކަ ދައްކާފައިވާކަމަށް ވެސް ދައުވާގައި ބުނެއެވެ. އަދި ކުޑަ އަންހެން ކުއްޖާއަށް ފިލްމުދައްކައިގެން އެ ކުއްޖާ ލައްވާ ގަދަކަމުން ބަދުއަހްލާޤީ އަމަލު ހިންގާފައިވާކަމަށާއި މިވާހަކަތައް ކުޑަކުއްޖާ އޭނާގެ މަންމައަށް ކިޔައިދިނުމުން އޭނާގެ މަންމަ އެކުއްޖާ ޑޮކްޓަރަށް ދެއްކުމުން ދީފައިވާ ރިޕޯޓްގައި ކުއްޖާއަށް ޖިންސީގޯނާކޮށްފައިވާކަމަށް ބުނާކަމަށް ވެސް ދައުވާގައި ވެއެވެ.
މި މައްސަލައާއި ގުޅިގެން ލާންސް ކޯޕްރަލް އަހްމަދު މުހަންމަދު މިއަދު ބުނަނީ އެ ދަޢުވާއަށް އޭނާ އިންކާރު ކުރަކަމަށާއި އެވާހަކަ ފަތުރައިގެން އެއުޅެނީ ދެ މަޤްސަދެއް ހާސިލްކުރުމުގެ ބޭނުމުގައިކަމަށެވެ. އެގޮތުން އެއްގޮތަކީ އޭނާ ބޭޒާރުކޮށް ފަޟީހަތްކުރުން ކަމަށާއި އަނެއް ގޮތަކީ އޭމާ މަސައްކަތްކުރާ ތަނުގެ އަގުވައްޓާލުންކަމަށެވެ. މިކަމާ ގުޅިގެން އަހްމަދު މުހަންމަދުގެ ވަކީލު ވިދާޅުވީ މައްސަލައާމެދު އެއްޗެ ވިދާޅުވާނީ ލިޔުމުން ބަޔާންތަކާއި ޑޮކްޓަރ ރިޕޯޓް އެފަރާތަށް ލިބުމުންކަމަށެވެ.
މުއުތަބަރު ފަރާތަކުން މިނިވަންއަށް މަޢުލޫމާތު ދިން ގޮތުގައި އެ ކުޑަ ކުއްޖާއއެކު ބަދުއަހްލާޤީ ޢަމަލު ހިންގާފައިވާ ކަމަށް ތުހުމަތު ކޮށްފައިވާ ހއ ކެލާ އަހްމަދު މުހަންމަދަކީ އެކުއްޖާ އުޅޭ ގެއަށް އާންމުކޮށް ގޮސްއުޅޭ މީހެކެވެ. އަދި ވަރަށް ގިނައިން އެ ކުއްޖާ ގޮވައިގެން އޭނާ ގެއަށް ގެންގޮސް ހަދާކަމަށެވެ. ހަމައެހެންމެ މިހާރު ކުޑަ އަންހެން ކުއްޖާ ހުންނަނީ ނާފްސާނީ ބިރުވެރިކަމެއްގެ ތެރޭގައިކަމަށާއި ގޭތެރޭގައި ދެމީހަކު ވާހަކަ ދެއްކިޔަސް އެ ދައްކަނީ އެނާގެ ވާހަކަކަމަށް ހީކޮށް ބިރުން އުޅޭކަމަށް މައުލޫމާތު ލިބިފައިވެއެވެ.
No comments:
Post a Comment