އަބްދުއްރަހްމާން
ހުޅުމާލޭ ފަރީދިއްޔާ ސްކޫލް އިންޓަރނޭޝަނަލް ސްކޫލެއްގެ ގޮތުގައި މިއަހަރުގެމެދުތެރޭ ކިޔަވައިދޭން ފެށޭވަރުވާނެ ކަމަށް އެޑިޔުކޭޝަން މިނިސްޓްރީން ހާމަކުރައްވައިފިއެވެ.
ފަރީދިއްޔާ ސްކޫލް އިންޓަރނޭޝަނަލް ސްކޫލަކަށް ބަދަލުކުރުމަށް އެދިފައިވަނީ ތުރުކީގެ އިންވެސްޓަރުންނާއި ރާއްޖޭގެ ތައުލީމީ ދާއިރާގައި މަސައްކަތްކުރާބަޔަކު ގުޅިގެން އުފައްދާފައިވާ ބިޒް އެޓޯލްސްއިންނެވެ. އެޑިޔުކޭޝަން މިނިސްޓްރީގެ ޑިރެކްޓަރ އަޙްމަދު ޝަފީޢު ވިދާޅުވީ ފަރީދިއްޔާ ސްކޫލް އިންޓަރނޭޝަނަލް ސްކޫލަކަށް ބަދަލުކުރުމުގެ މަސައްކަތް ބިޒް އެޓޯލްސްއާއި ޙަވާލުކުރައްވާފައިވާ ކަމަށެވެ. އަދި ސްކޫލް ކުރިޔަށްގެންދާނެ ގޮތާބެހޭގޮތުން ދެފަރާތުގެމެދުގައި މަޝްވަރާތައް ވަރަށް އަވަހަށް ފަށްޓާވާނެ ކަމަށްވެސް ޝަފީއު ވިދާޅުވިއެވެ.
މާލޭގައި ހިންގާ އަމިއްލަ އެންމެ ބޮޑު ދެ ސްކޫލް އެމްއީއެސްއާއި އީފީއެސްއެސް އިންޓަރނޭޝަނަލް ސްކޫލަކަށް ބަދަލުކުރުމަށް އެސްކޫލަތަކުން އެދިފައިވާތީ އެކަމުގެހުއްދަ އެފަރާތްތަކަށް ދެއްވާފައިވާ ކަމަށްވެސް އެޑިޔުކޭޝަން މިނިސްޓްރީން ހާމަކުރެއްވިއެވެ.
No comments:
Post a Comment