Rising crimes and the survival of the Maldives Dictator

Maldives despite its minute size is witnessing a surge in serious crimes, such as drug dealing, cyber-crimes and counterfeiting money. In addition, the capital has seen some of the worst gang violence in the country's history leading to several deaths in the last couple of months.

Last month there were reports of 3 arrests in connection with counterfeiting money.  More than a 100,000 US dollars of counterfeit money was seized during the arrest and the three were locals.

Also last month, there was a report about cyber-crime. A group believed to be led by a Malaysian man had made transactions worth millions using fake credit cards. His accomplices were local.

Similarly, there were several seizures of drug dealers in the recent weeks, which included the arrest of 5 foreigners who were smuggling drugs to Tanzania via the Maldives. And, in 2006, more than 1.6 tonnes of drugs worth more than 250 million dollars was found by lobster divers. The drug was carefully hidden beneath sea in the lagoon.  

And, last but not least, we heard the reports of cold blooded murder cases in the capital. Gang violence had been rising in the capital quite rapidly over the last couple of years and despite earlier deaths, the authorities failed to take action. Leading gang members were free to roam the streets and committed numerous crimes, including rampaging businesses and torching vehicles.

But, most serious of all was the way these gangs beat up and injured people with their box-cutters and swords. And, in December last year, we witnessed the murder of a young man, Ali Ishaar. The suspects remained at large for months and the case is still on going. The army was then mobilised to control the violence after a 16 year old was killed by gangs last month.

Once Male' was a peaceful city but the residents now live in fear. Parents don't like their children to walk around freely like before. Drug dealing and drug abuse is rampant and the authorities have failed to bring an end to these issues. Clearly, somebody or someone must take responsibility for these crimes which is destroying our livelihoods. But unfortunately, Dictator Gayyoom and cronies are more concerned about their survival and sustenance that they could not give a damn about all this. Just like in Zimbabwe, these violent crimes give heed to the dictator to run his police state under an iron fist rule.

Let's quote the Home Minister Abdulla Kamaaludeen. He said with regard to recent gang violence that "these gang violence will only stop when the gang members stop fighting..". This was clear admission of failure and lack of vision and sense of responsibility by the man who is supposed to be in charge of our security. Couple of months later, we see that the army had succeeded in controlling gang violence to some extent, so the question is, why did the authorities wait for so long before taking the right action? Had they done it from the start, many lives and livelihoods could have been saved. The answer is really very simple. Dictator Gayyoom does not have will or the guts to control these thugs and criminals. And, most importantly, violent crimes create fear amongst the public which the dictator uses to gain political mileage. Ultimately, the most important this for a dictator is first and foremost his own survival.

We are living in gangsta's paradise! You want peace and prosperity, vote for change and remove the dictator from power. Remember, you can be in charge of your own destiny so don't trade yours for short term gain!

ބޮޑު އަޣްލަބިއްޔަތަކުން ރިޔާސީ ކެންޑިޑޭޓުކަން އަންނި ކާމިޔާބު ކުރައްވައިފި

ދެން ދިވެހިރާއްޖޭގެ ރައީސުލްޖުމްހޫރިއްޔާގެ ގޮތުގައި ހުވާ ކުރައްވާނީ މިޕާޓީ ހިމެނޭ ބާރެއް -  އަންނި

މިއަހަރު އޮންނަ ރިޔާސީ އިންތިހާބުގައި ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ފަރާތުން ވާދަ ކުރައްވާނެ ކެންޑިޑޭޓަކަށް 68 ޕަސެންޓްގެ އަގުލަބިއްޔަތަކުން ކުރީގެ ޗެއަރޕާސަން މުހައްމަދު ނަޝީދު (އަންނި) ހޮވި ވަޑައިގެންފިއެވެ.

ހުކުރު ދުވަހު މެންދުރުފަހު 2:00 އިން ރޭ 9:00 އަށް މުޅިރާއްޖޭގައި ބޭއްވި އެމްޑީޕީގެ ރިޔާސީ ޕްރައިމަރީޒު 2008 އިންތިހާބުގައި ރޭ 10:00 ފެށިގެން އިއުލާން ކުރެއްވި ވަގުތީ ނަތީޖާއިން ކުރި ހޯއްދެވި މުހައްމަދު ނަޝީދަށް ލިބިވަޑައިގެންނެވީ ޖުމުލަ 7656 ވޯޓެވެ. އަދި މިއިންތިހާބުގައި އަންނި އާއެކު ވާދަ ކުރެއްވި އަނެއް ދެ ކެންޑިޑޭޓުން ކަމުގައިވާ ޕާޓީގެ ރައީސް ޑރ މުހައްމަދު މުނައްވަރަށް ލިބިވަޑައިގެންނެވީ ޖުމުލަ 2394 ވޯޓެވެ. ރީކޯ މޫސާ މަނިކަށް ލިބިވަޑައިގެންނެވީ ޖުމުލަ 989 ވޯޓެވެ.

މުޅި ޖުމުލަ 11200 މީހުން ވޯޓު ލި މިއިންތިހާބުގެ ވަގުތީ ނަތީޖާ ދައްކާ ގޮތުން މުހައްމަދު ނަޝީދު މިއިންތިހާބުގައި ކުރި ހޯއްދަވާފައިވަނީ 68 ޕަސެންޓުގެ އަގުލަބިއްޔަތުންނެވެ. މިއިންތިހާބުގައި ޑރ މުނައްވަރަށް 21 ޕަސެންޓް ލިބިވަޑައިގެންފައިވާއިރު މޫސާ މަނިކަށް ލިބިވަޑައިގެންފައިވަނީ 9 ޕަސެންޓުއެވެ. މިއިންތިޚާބުގައި ވޯޓު ލުމުގެ ހައްގު ލިބައިފައިވަނީ 20958 މެންބަރުންނަށް ކަމަށްވާއިރު ވޯޓުލާފައިވަނީ 53.4% މެންބަރުންނެވެ.

އިންތިހާބުގެ ވޯޓުގެ ނަތީޖާ މުޅިން އިއުލާންކޮށް ނުނިމެނީސް ރޭ ދަންވަރު 3:00 ގައި މުނައްވަރާއި ރީކޯ މޫސަ ވަނީ މިއިންތިހާބުގައި މުހައްމަދު ނަޝީދަށް ކުރިލިބުނު ކަމަށް ނިންމައި އެބޭފުޅާއަށް މަރުހަބާ ދަންނަވާފައެވެ. މުނައްވަރު ވިދާޅުވީ ވަގުތީ ނަތީޖާ އިއުލާންކޮށް ނުނިމުނު ކަމުގައި ވިޔަސް މިއިންތިހާބުގައި މިހާރު މޮޅުވީ ކާކުކަން އެނގިފައިވާތީ މުހައްމަދު ނަޝީދަށް ވަރަށް އިހުލާސްތެރިކަމާއެކު ޝުކުރު ދައްނަވާ ކަމަށެވެ. އަދި ޕާޓީގެ ޗެއަރޕާސަންގެ އިންތިހާބުގައި ކުރި ހޯއްދެވި މާރިޔާ އަހުމަދު ދީދީއަށްވެސް މަރުހަބާ ދެންނެވިއެވެ.

އަންނި ވިދާޅުވީ "އަޅުގަނޑުމެންނަށް އިނގޭ އަޅުގަނޑުމެންގެ ޕާޓީ ކާމިޔާބު ކުރާނީ 11 ނޮވެމްބަރު 2008 ވާ އަންގާރަ ދުވަހު ދެން ދިވެހިރާއްޖޭގެ ރައީސުލް ޖުމްހޫރިއްޔާގެ ގޮތުގައި ހުވާ ކުރައްވާނީ މިޕާޓީ ހިމެނޭ ބާރެއް ކަން، އެއީ އަޅުގަނޑުމެންނަށް އެއްވެސް ހާލެއް ޝައްކު ހިނގާ ކަމެއް ނޫން" ކަމަށެވެ.

މުނައްވަރު ވިދާޅުވީ މިއިންތިހާބަށް އެބޭފުޅުން ކުރިމަތިލެއްވީ ޕާޓީގެ އެތެރޭގެ އިންތިހާބެއް ކަން ދެނިތިބެގެން ކަމަށާއި މިއިންތިހާބު ނިމުމާއެކު ޕާޓީއިން އެބޭފުޅުން ކުރައްވަމުން އައި މަސައްކަތް ކުރިއަށް ގެންދިޔުމުގައި އަވަސްވެ ގަންނާނެ ކަމަށެވެ.

ރީކޯ މޫސަ ދެއްކެވި ވާހަކާގައި ވިދާޅުވީ ދިވެހިރާއްޖޭގެ ވެރިއަކަށް ހުންނެވުމަށް ފެނިވަޑައިގަންނަވާ ކަމަށް އޭނާއަށް ވޯޓު ދެއްވި ހުރިހާ ބޭފުޅުންނަށްވެސް ޝުކުރު ވިދާޅުވާ ކަމަށެވެ. އަދި ސިޔާސީ ގޮތުން ދިވެހިރާއްޖެއަށް އިސްލާހު ގެނައުމަށްޓަކައި ރީކޯ މޫސަ ފެށި މަސައްކަތް ކުރެވުނު ކަމަށް ވާނީ ރައީސް މައުމޫނު މިރާއްޖޭގެ ވެރިކަމުން ބޭލުނު ދުވަހަކުން ކަމަށާއި އެދުވަހާއި ހަމައަށް ކުރިމަތިވާ ކޮންމެ ހުރަހެއް ގިރާކޮށް އެކަން ނިމުމަކާ ހަމައަށް ގެންދެވޭނެ ކަމަށް ވިދާޅުވިއެވެ.

"ދިވެހި ރައްޔިތުންނަށް އަޅުގަނޑު ދަންނަވާލަން އޮތީ އިހްލާސްތެރިކަމާއެކީގައި ތިބޭފުޅުން ހަމަ މިއަދު ވޯޓު ލެއްވި ގޮތަށް މުސްތަގްބަލުގައިބެސް ވޯޓު ދެއްވައްޗޭ" މޫސާ މަނިކުވިދާޅުވިއެވެ.

މުހައްމަދު ނަޝީދު (އަންނި) ވިދާޅުވީ މިއިންތިހާބުގައި ތިން ކެނޑިޑޭޓުންވެސް ބައިވެރިވެގެން މަސައްކަތް ކުރަމުންދިޔައީ މުޅިރާއްޖެއަށް ޑިމޮކްރެޓިކް އުސޫލުތަކެއްގެ މިސާލު ދެއްކުމަށްޓަކައި ކަމަށެވެ.

"އިރާދަ ކުރެއްވިއްޔާ އަޅުގަނޑުމެންގެ ޕާޓީ މިތިބީ ކާމިޔާބުގެ މަތީގައި، އަޅުގަނޑުމެން އެންމެން މިރޭ މިތިބީ މޮޅުވެފައި، އަޅުގަނޑުމެންގެ ތެރޭގައި ބަލިވީ ހަމަ އެކަކުވެސް އަޅުގަނޑު ދަންނަވާނީ ނެތޭ" އަންނި ވިދާޅުވިއެވެ.

އަންނި ވިދާޅުވީ ޑރ މުހައްމަދު މުނައްވަރަކީ ޕާޓީގެ އަސާސީ ގަވައިދު ބުނާ ގޮތުގެމަތިން ޕާޓީގެ އެންމެ އިސް ސިޔާސީ ލީޑަރު ކަމަށެވެ. އަދި ޑރ މުނައްވަރުގެ ލަފަޔާއި އެހީތެރިކަމާއި އެއްބާރުލުން ލިބިގެންދާނެ ކަމަށް އުއްމީދު ކުރައްވާ ކަމަށްވެސް އަންނި ވިދާޅުވިއެވެ.

އަންނި ވިދާޅުވީ ރައްޔިތުންގެ މަޖިލީހުގައި ރީކޯ މޫސަ ކުރެއްވި މަސައްކަތުން އެމްޑީޕީއަށް އޭނާގެ ހިދުމަތް ލިބިގެންދިޔައީ ޕާޓީގެ އެންމެ މެންބަރުން ނިހާޔަތަށް އުފާވާ ދަރަޖައަށް ކަމަށެވެ.

ޕާޓީގެ ވަގުތީ ޗެއަރޕާސަންކަން ބަލަހައްޓަވައި ދެއްވި މުހައްމަދު ލަތީފަށް ނިސްބަތްކޮށް އަންނި ވިދާޅުވީ އޭނާއަކީ ޕާޓީގެ އުފެއްދުމުގެ މަސައްކަތުގައިވެސް ވަރަށް ބޮޑު ރޯލެއް އަދާކުރައްވާފައިވާ ބޭފުޅެއް ކަމަށާއި މިއަދު ވަގުތީ ޗެއަރޕާސަން ކަމުގެ މަގާމް މާރިޔާ އަހުމަދު ދީދީއަށް ހަވާލު ކުރައްވާފައި އެބޭފުޅާ ވަޑައިގެންނެވި ނަމަވެސް އެބޭފުޅާގެ އެހީތެރިކަމާއި ބައިވެރިވުން ޕާޓީއަށް ނިހާޔަތަށް ލިބިގެންދާނެ ކަމަށް އުއްމީދުކުރައްވާ ކަމަށްވެސް އަންނި ވިދާޅުވިއެވެ.

"މާރިޔާ މިޕާޓީއާ ހަވާލު ވެވަޑައިގަންނަވަނީ، އަޅުގަނޑު ޔަގީން ކުރަން މާރިޔާގެ ޗެއަރޕާސަން ކަމުގައި މިޕާޓީ ދެން ކުރިއަށް ދާނީ ފަތު އަޑުގަ ކަމަށް" އަންނި ވިދާޅުވިއެވެ.   

 

އެމްޑީޕީގެ މެމްބަރުން އެމީހުންނަށް ލިބިފައިވާ ހައްގު ވިއްކާނުލާނެކަން ސާބިތުވެއްޖެކަމަށް 83% އިން ޗެއާޕާސަންކަން ކާމިޔާބުކުރެއްވި މާރިޔާ ވިދާޅުވެއްޖެ

އިސްމާއިލް

އެމްޑީޕީގެ މެމްބަރުންނަކީ އެމީހުންނަށް ލިބިފައި ހައްގު އެއްވެސް ހާލަތެއްގައި ވިއްކާލާނެ ބައެއް ނޫކަން ގައުމީ ޗެއަރޕާސަނަކު ހޮވުމަށް ބޭއްވި އިންތިހާބުން ސާބިތުކަމާއެކު ދައްކައިދީފިކަމަށާއި، އަދި ޑިމޮކްރަސީގެ އާމަރުހަލާއަކަށް އެއިންތިހާބަށް ފަހު ދެވިއްޖެކަމަށް އެމްޑީޕީގެ ގައުމީ ޗެއަރޕާސަނަކު ހޮވުމަށް ބޭއްވި އިންތިހާބު ކާމިޔާބުކުރެއްވި ރައްޔިތުންގެ މަޖިލީހުގެ ކ އަތޮޅު މެމްބަރު މާރިޔާ އަހުމަދު ދީދީ ވިދާޅުވެއްޖެއެވެ.

"އަޅުގަނޑު ވޯޓެއް ގަންނަން ބައިރުފިޔާއެއްވެސް ހަރަދެއް ނުކުރަން. އެމްޑީޕީގެ މެމްބަރުންނަކީ އެބޭފުޅުންނަށް އެލިބިފައިވާ ހައްގު އެއްވެސް ހާލަތެއްގެ ވިއްކާލައްވާ ބޭފޫލުންނެއް ނޫންކަން ސާބިތުކަމާއެކީ މިރޭ ދައްކައިދީފި. މިއިންތިހާބުގަ އެއްވެސް މައްސަލައެއް އަޅުގަނޑަކަށް ނުފެނެއޭ" އެމްޑީޕީގެ ރިޔާސީ ޕްރައިމަރީސް އާއި ގައުމީ ޗެއަރޕާސަނަކު ހޮވުމަށް ބޭއްވި އިންތިހާބަށް ފަހު ހުކުރުދުވަހުގެރޭ ކަލާފާނު ސުކޫލުގައި މި ދެއިންތިހާބުގައި ވާދަކުރެއްވި ކެނޑިޑޭޓުން ބެއްވި ހާއްސަ ބައްދަލުކޮށްލުމުގައި ވާހަކަ ދައްކަވަމުން މާރިޔާ ވިދާޅުވިއެވެ.

އެމްޑީޕީން އިއްޔެ ބޭއްވި އެޕާޓީގެ ގައުމީ ޗެއާޕާސަނަކު ހޮވުމުގެ އިންތިހާބު މާރިޔާ ކާމިޔާބު ކުރެއްވީ 83 އިންސައްތަ ވޯޓް ހޯއްދަވައިގެންނެވެ. ވޯޓްލީ 11200 މީހުންގެ ތެރެއިން 9263 ގެ ވޯޓް މާރިޔާ ހޯއްދެވިއެވެ. މާރިޔާއާ ވާދަކުރެއްވި މުހައްމަދު ނާޒިމް (ބައުންޓީ)އަށް ލިބިވަޑައިގަތީ 1518 ވޯޓެވެ. އެއީ 14% އެވެ.

ރޭގެ މިބައްދަލުކޮށްލުމުގައި ވާހަކަ ދައްކަވަމުން މާރިޔާ ވިދާޅުވީ ރިޔާސީ ޕްރައިމަރީސްގައި ވާދަކުރެއްވި ތިން ކެނޑިޑޭޓުންވެސް ޑިމޮކްރަސީގެ ވަރަށް ރީތި މިސާލެއް ދައްކުވައިފިކަމަށާއި، އެބޭފުޅުން ގައުމީ ބަހުސެއް ކުރެއްވުމަށް ފަހު އެކުވެރިކަމާއެކު ވަޑައިގެންނެވި ރީތި ގޮތަކީ އެއްޑީޕީގެ މެމްބަރުންގެ އިތުރުން އެމްޑީޕީއަށް ނިސްބަތް ނުވާ މެމްބަރުންވެސް ނަމޫނާއެއްގެ ގޮތުގައި ބަލައިގެން ކަމެއް ކަމަށެވެ.

އިންތިހާބު ކުރިއަށް ދިޔަ ގޮތާމެދު ވާހަކަދައްކަވަމުން ގައުމީ ޗެއަރޕާސަނަކަށް ވާދަ ކުރެއްވި މުހައްމަދު ނާޒިމް (ބައުންޓީ) ވިދާޅުވީ އެއްވެސް ކަހަލަ ހިތްހަމަ ނުޖެހޭ ކަމެއް އެއިންތިހާބުން ފެންނަންނެތްކަމަށާއި، އިންތިހާބާ މެދު ޖެއްސޭނެ އެއްވެސް މައްސަލައެއް ނެތްކަމަށެވެ. އަދި އިއްޔެ ނިމިގެންދިޔަ ދެއިންތިހާބުގެ ތެރެއިން އެންމެ އިންސާފުވެރިކޮށް ދިޔައީ ޗެއަރޕާސަންއަކު ހޮވުމަށް ބޭއްވި އިންތިހާބުކަމަށް ނާޒިމް ވިދާޅުވިއެވެ.

"އަޅުގަނޑު ހިތްހަމަ ނުޖެހޭ އެއްވެސް ކަމެއް މިތަނަކުން ފެންނާކަށް ނެތޭ. އަޅުގަނޑުގެ އެއްވެސް މައްސަލައެއް އިންތިހާބާއި މެދަކު ނެތް" ނާޒިމް ވިދާޅުވިއެވެ.

ގައުމީޗެއަޕާސަންގެ އިންތިޚާބުގައި ވާދަކުރެއްވި ދެބޭފުޅުންވެސް ބޮޑު ކެމްޕޭންނެއް ނުކުރައްވައެވެ. އަދި އެކަމުގެ ސަބަބު ހާމަކުރައްވަމުން މިދިޔަ ބުރާސްފަތި ދުވަހު މާރިޔާ ބޭއްވި ނޫސްކޮންފަރެންސެއްގައި ވިދާޅުވީ ސިޔާސީ ޕާޓީއެއްގެ އެންމެ ބޮޑު މަގުސަދަކީ އެޕާޓީ ވެރިކަމަށް އައުންކަމަށާއި، އެހެން ވުމުން ރިޔާސީ ޕްރައިމަރީ އޮންނަ ވަގުތެއްގައި އެއިންތިހާބަށް ހިޔަނި އެޅޭގޮތަށް އެއްވެސް ކަމެއްކުރަން ބޭނުންނުވާތީ މަޑުކޮށްލައިގެން ހުންނެވީ ކަމަށެވެ. އެހެން ނަމަވެސް ފޯނުންނާއި އެފަދަ ވަސީލަތްތަކުން ކެމްޕޭން ކުރިއަށް ގެންދެވި ކަމަށް މާރިޔާ ވިދާޅުވިއެވެ.

އިންތިހާބަށް ކުރިމަތި ލެއްވުމަށް ފަހު ނޫސްވެރިންނާއެކު މާރިޔާ ބެއްވި ހަމައެކަނި ބައްދަލުވުމުގައި ޕާޓީގެ ޗެއަރޕާސަންގެ މަގާމަށް ހޮވިވަޑައިގެންފިނަމަށް ކުރައްވާނެ އެންމެ މުހިންމު ކަމެއްކަމަށް މާރިޔާ ވިދާޅުވީ ޕާޓީގެ އެއްބައިވަންތަކަން ދެމެހެއްޓުމަށް މަސައްކަތްތަކެއް ކުރެއްވުން ކަމަށެވެ. އަދި ރާއްޖޭގެ ވެރިކަން ކުރާ ނިޒާމަކީ ރިޔާސީ ނިޒާމެއް ކަމަށް ހަމަޖެހުމުން އެކަމާ ގުޅިގެން ޕާޓީގެ އޮނިގަޑަށްވެސް ބަދަލުތަކެއް ގެންނަވާނެކަމަށާއި، ކުރިއަށް އޮތް ރިޔާސީ އިންތިހާބު ކާމިޔާބު ކުރުމަށް ގިނަ މަސައްކަތް ތަކެއް ކުރައްވާނެ ކަމަށް މާރިޔާ ވިދާޅުވިއެވެ.

އެމް.ޓީ.ޑީ.ސީއިން ގަންނަ ކޮންމެ ހިއްސާއަކަށް 90ރ ދޫކުރައްވާ ގޮތަށް ނިންމެވުމުން ޓޫރިޒަމުން މަރުހަބާ ކިޔައިފި

މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމް.ޓީ.ޑީ.ސީ) ގެ ހިއްސާދާރުން ބައްލަވައި ގެންފައިވާ ކޮންމެ ހިއްސާއަކަށް 90ރ ދޫކުރައްވަން އެ ކުންފުނީގެ އަހަރީ އާންމު ޖަލްސާއިން ނިންމެވުމާ ގުޅިގެން އެ ކުންފުނީގެ ޑިރެކްޓަރުންގެ ބޯޑުގެ ޗެއަރމަން ހުސައިން އަފީފަށާއި ބޯޑުގެ ހުރިހާ ޑިރެކްޓަރުންނަށް މިނިސްޓްރީ އޮފް ޓޫރިޒަމް އެންޑް ސިވިލްއޭވިއޭޝަނުން މަރުހަބާ ދަންނަވައިފިއެވެ.

     ޓޫރިޒަމް މިނިސްޓްރީއިން ނެރުނު ޕްރެސް ރިލީޒެއްގައި ބުނެފައިވަނީ ފަތުވެރިކަމުގެ ސިނާއަތުގެ ފައިދާ ގިނަ ބަޔަކަށް ލިބިދިނުމުގެ މަގްސަދުގައި ސަރުކާރުން އުފެއްދި އެމް.ޓީ.ޑީ.ސީގެ  މަގްސަދު ހާސިލުވަމުންދާކަން ބޯޑުގެ މިނިންމުގެ ސަބަބުން މިއަދު ކުންފުނީގެ ހިއްސާދާރުންނާއި ގިނަ ބަޔަކު ގަބޫލުކޮށް ކުންފުނީގެ ހިއްސާދާރުންނަށް ބޮޑު އުފަލެއް ލިބިގެންދާނެ ކަމަށެވެ.

     "އަދި މިހަބަރުގެ ސަބަބުން އެމް.ޓީ.ޑީ.ސީގެ ހިއްސާގެ އަގުމަތިވެ، އެމް.ޓީ.ޑީ.ސީގެ މިއަދުގެ ޑިރެކްޓަރުންގެ ބޯޑުގެ އެންމެހާ މެމްބަރުންނާއި، ކުރިން ޑިރެކްޓަރުންގެ ގޮތުގައި ބޯޑުގެ މެމްބަރުކަން ކުރައްވާފައިވާ ކުންފުނީގެ ހުރިހާ މުވައްޒަފުންނަށް މިނިސްތްރީ އޮފް ޓޫރިޒަމް އެންޑް ސިވިލް އޭވިއޭޝަން އިން މަރުހަބާ ދަންނަވައި ޝުކުރު އަދާކުރަމެވެ" ޓޫރިޒަމް މިނިސްޓްރީއިން ބުރާސްފަތިދުވަހު ނެރުނު ހަބަރުގައި ބަޔާން ކުރައްވާފައިވެއެވެ.

     އެމް.ޓީ.ޑީ.ސީގައި ރާއްޖޭގެ ހުރިހާ އަތޮލަކަށް ނިސްބަތްވާ 22،035 ހިއްސާދާރުން އެބަތިބި ކަމަށްވެސް ޓޫރިޒަމް މިނިސްޓްރީއިން މައުލޫމާތުދެއެވެ.

ތަހުޤީޤު ފުރިހަމަ ނުވާކަމަށްބުނެ އިޝްހާރު މަރާލި ހާދިސާ ފުލުހުންނަށް އަނބުރާ ފޮނުވާލައިފި

އިބްރާހީމް މުޙައްމަދު

ހ.ކުބުރާ އަލީ އިޝްހާރަށް (ޗޯޓޭ) 21، ހުސްވި އަހަރު ޑިސެމްބަރު މަހު މަރާލި ހާދިސާގައި ބައިވެރިވިކަމުގެ ތުހުމަތު ކުރެވޭ 5 މީހުންގެ ތަހުޤީޤު ފުރިހަމަ ނުވާކަމަށް ބުނެ އެޓަރނީ ޖެނެރަލްގެ އޮފީހުން މައްސަލަ އަނބުރާ މޯލްޑިވްސް ޕޮލިސް ސަރވިސްއަށް އޭޕްރީލް 24 ވަނަ ދުވަހު ހުށަހަޅައިފިއެވެ. 4 މަސްވެފައިވާ މިހާދިސާގެ ތަހުޤީޤު ފުލުހުން ނިމިފައިވާކަމަށްބުނެ އެޓަރނީ ޖެނެރަލްގެ އޮފީހަށް ހުށަހަޅާފައިވަނީ އޭޕްރީލް 20 ވަނަ ދުވަހުއެވެ.

އެޓަރނީ ޖެނެރަލް އޮފީހުގެ ޑިރެކްޓަރ ހުސައިން ޝަމީމް ހާމަކުރެއްވިގޮތުގައި ފުލުހުންގެ ތަހުޤީޤުގައި އިތުބާރު ހިފޭ މަންޒަރު ދުށް ފަރާތްތަކުގެ ބަޔާންތައް ހިމެނިފައެއް ނުވެއެވެ. މިހެންވުމުގެ ސަބަބުން މިމައްސަލަ ކޯޓުގައި ކުރިއަށް ނުގެންދެވޭނެކަމަށް ޝަމީމް ވިދާޅުވިއެވެ.

އަދި އެޓަރނީ ޖެނެރަލްގެ އޮފީހުން އޭޕްރީލް 24 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި މާލޭގެ ހިނގަމުންދާ ގުރޫޕް މާރާމާރީއާއި ގުޅިގެން މައުލޫމާތު ދެމުން އެފަރާތުން ހާމަކުރިގޮތުގައި މިމައްސަލަތައް އަވަސް ކުރުމަށް ކަނޑައަޅާފައިވީ ކަމުގައިވިޔަސް ފުލުހުން ހުށަހަޅާފައިވަނީ ހެކިލިބޭ ވަރަށް މަދު ތަހުޤީޤު ބަޔާންތަކެކެވެ.

އިޝްހާރުގެ މަރުގެ ތަހުޤީޤު ފުރިހަމަ ނުވާ ސަބަބު ފުލުހުން ހާމަކޮށްފައެއް ނުވެއެވެ. ނަމަވެސް 22 އޭޕްރީލް ގައި ފުލުހުން ޢާއްމު ކުރި ބަޔާން ބުނާގޮތުގައި މިމައްސަލަ އެޓަރނީ ޖެނެރަލްގެ އޮފީހަށް ހުށަހެޅީ "ތަޙްޤީޤް މަރުހަލާ ނިންމާ" ފައެވެ.

ނަމަވެސް އެޓާނީ އޮފީހުން ޝަމީމް ވިދާޅުވީ "މިސާލަކަށް، (މިހާދިސާއާ ގުޅިގެން) ސުވާލުކުރެވުނު މީހުންގެ ފަރާތުން އެނގުނުގޮތުގައި އިޝްހާރަށް ވަޅިންހަމަލާ ދިނުމުން އޭނާ ވަނީ އޭނާގެ ގޭ ކުރިމަތީގައި ހުރިގެއަށް. އަދި އެގޭ މީހުން އޭނާ ހޮސްޕިޓަލަށް ގެންދިޔައީ. ނަމަވެސް ތަހުޤީޤައެއް ނެތް އެގޭ މީހުންނާ ސުވާލުކުރެވިފައި"

ޝަމީމު މިކަލަ އިތުރު މިސާލެއް ޖައްސަވަމުން ވިދާޅުވީ މަންޒަރު ދުށް ފަރާތަކުން ފުލުހުންނަށް ޚަބަރުދިންގޮތުގައި މިވަގުތު ފުލުހުންގެ ބަންދުގައި ހުރި މީހަކު އެދުވަހު އިޝާރަށް ހަމަލާދެނިކޮށް އޭނާއަށް ފެނިފައިވާކަމަށެވެ. ނަމަވެސް އެމީހަކަށް ދައުވާކުރަން ހުށަހެޅިފައިނުވާއިރު ތަހުޤީޤު ކުރެވިފައެއް ނުވެއެވެ.

"މަންޒަރު ދުށް ފަރާތުން އަޅުގަނޑުމެންނަށް މައުލޫމާތު ދީފައިވޭ ހަމަލާދިން މީހާ އިޝްހާރުގެގައިގާ ވަޅިއަޅައި ޖެހިމަންޒަރު ފެނުނުކަމަށް" ޝަމީމް ވިދާޅުވިއެވެ. "މިއީ މަރުގެ މައްސަލައެއް. މިފަދަ މައްސަލަތައް ކުޑަކަމެއްގެ ގޮތުގައި ބެލެވިގެން ނުވާނެ"

ފުލުހުން ތަހުޤީޤު ބަޔާންތަކުގައި ބުނިގޮތުގައި މިހާދިސާއާ ގުޅިގެން އިތުރު ބަޔާންތަކެއް ނަގަން ޖެހޭކަމަށާއި އަދި އެބަޔާންތައް ނިމުމުން އެތަކެތި އެޓަރނީ އޮފީހަށް ރައްދުކުރެވޭނެއެވެ. ނަމަވެސް ޝަމީމް ދެކިލައްވާގޮތުގައި އެޓަރނީ ޖެނެރަލްގެ އޮފީހަށް މައްސަލަ ހުށަހަޅަން ޖެހޭނީ މައްސަލަ އެއްކޮށް ތަހުޤީޤުކޮށް ނިމުމަށް ފަހުގައެވެ.

"ދެއަހަރު ފަހުން އަހަރަމެންނަކަށް ނުބުނެވޭނެ މިވެނިމީހަކުވެސް (އަދި އެބަހުއްޓޭ) މަރާލުމުގައި ބައިވެރިވި" އޭނާ ވިދާޅުވިއެވެ.

އެއްބަސްވުން

އިޝްހާރުގެ މަރުގެ ހާދިސާއާއި ގުޅިގެން ފުލުހުންގެ ހައްޔަރުކޮށްފައިވަނީ ގދ.ގައްދޫ ތިންފިޔަ މުޙައްމަދު އަހުސަން (އަހޫ) 24، ހއ.ހޯރަފުށީ ރަހުމާނީހިޔާ ޝިފާއުﷲ އަބްދުލް ވާހިދު (ޝިފާ) 25، ސ.މީދޫ ގުލްޝަން މިނަން ރަޝީދު (ފިނދަނަ) 22، ހ.ހަންޑްރެޑް ފްލާވާސް ހުސައިން ރަޒީނު (ރަބަރޭ) 21، އަދި 17 އަހަރުގެ ފިރިހެން ކުއްޖެކެވެ.  

ފުލުހުންނާއި ޝަމީމް މައުލޫމާތުދިންގޮތުގައި 17 އަހަރުގެ ކުއްޖާ ވަނީ މިއަމަލު ހިންގިކަމަށް އެއްބަސްވެފައެވެ.

އިޝްހާރު މަރުވެފައިވަނީ ގުރޫޕަކުން ތަޅައިގަނެ ވަޅިއެޅުމުގެ ސަބަބުން އަނިޔާތަކަށް ފަރުވާދިނުމަށް އޭޑީކޭ ހޮސްޕިޓަލަށް ގެންދެވުނުތާ ގަޑިއިރެއްނުވަނީސް ޑިސެމްބަރ 2 ވަނަ ދުވަހުގައެވެ.

މިހާދިސާގައި އެންމެ ފުރަތަމަ ހައްޔަރުކުރެވުނީ ރަޝީދު އަދި 17 އަހަރުގެ ފިރިހެންކުއްޖާއެވެ. އަދި މާރޗްމަހު ރަޒީން ފުލުހުންނާއި އަމިއްލައަށް ހަވާލުވެފައިވާއިރު އަހުސަނާއި ވަހީދު ފުލުހުންނާއި އަމިއްލައަށް ހަވާލުވީ އޭޕްރީލް މަހު ކުރީކޮޅުގައެވެ.

މީގެ ކުރިން ފުލުހުން ހަމާކޮށްފައިވާގޮތުގައި ރަޒީން، އަހުސަން އަދި ވަހީދު ހައްޔަރުކުރުމަށް އިންޓަރޕޯލް ރެޑް ވޮރެންޓްސްނެރޭނެކަމަށެވެ.

އަދަދުތައް

އިޝްހާރުގެ މަރުގެ ހާދިސާއަށްފަހު ގުރޫޕު މާރާމާރީގެ ގިނަ ހާދިސާތަކެއް ވަނީ ހިނގާފައެވެ. މިގޮތުން ވަރަށް ބޮޑެތި އަނިޔާތަކެއް ދިނުމުގެ ސަބަބުން ގ.ތަނބުރުގޭ ޝިފާއު އިސްމާއީލް ވަނީ 7 ދުވަހު ކޯމާއެއްގައި އޮވެ މަރުވެފައިވެއެވެ.

މާރާމާރީ ހާދިސާތަކުގެ މައްސަލަތައް އެޓަރނީ ޖެނެރަލް އޮފީހުން ދިގުލައި ދާކަމަށް ބައެއް ފަރާތްތަކުން ތުހުމަތުކުރަމުންދާތީ ބުރާސްފަތި ދުވަހު އެ ވުޒާރާއިން އިންތިޒާމްކުރި ނޫސްވެރިންގެ ބައްދަލުވުމުގައި ޖަވާބުދާރީވެފައިވެއެވެ.

"ގްރޫޕް މާރާމާރީގެ 3 ހާދިސާއާއި ގުޅުންހުރި 8 މީހެއްގެ މައްސަލަ ފުލުހުން އަޅުގަނޑުމެންނަށް މިމަހު ހުށަހަޅާފައިވޭ" ޝަމީމް ވިދާޅުވިއެވެ. "ހަމަ ޔަޤީނުންވެސް އަޅުގަނޑުމެން މިމައްސަލަތައް ވަރަށް އަވަހަށް ކުރިއަށް ގެންދާނަން"

މާރާމާރީގެ ހާދިސާތައް އިތުރުވުމާއި ގުޅިގެން އޭޕްރީލް 7 ވަނަ ދުވަހާއި އޭޕްރީލް 21ގެ ނިޔަލަށް މޯލްޑިވްސް ނެޝިނަލް ޑިފެންސް ފޯސް (އެމްއެންޑީއެފް) ގެ ފަރާތުން މާލޭގެ ސަލާމަތީ ކަންތައްތައް ބެލެހެއްޓުމަށް ހަރަކާތްތެރިވެފައިވެއެވެ.

ސިފައިންގެ މޭޖަރ އިބްރާހީމް އަފްޟަލް ހާމަކުރެއްވިގޮތުގައި ސިފައިން މާލޭގެ މަގުތައް ބަލަހައްޓަން ހަވާލުވި މުއްދަތުގައި 6 މީހަކު ހައްޔަރުކޮށް ފުލުހުންނަށް ހަވާލުކުރެވިފައިވެއެވެ. އަދި ފުލުހުން މައުލޫމާތު ދިން ގޮތުގައި އެމުއްދަތުގައި މަދުވެގެން 10 މީހަކު ފުލުހުންގެ ބެލުމުގެ ދަށަށް ގެނެވިފައިވެއެވެ.

ސިފައިން ސަލާމަތީ ކަންތައްތައް ބެލެހެއްޓުމާއި ހަވާލުވުމުގެ ކުރިން ފުލުހުން ހާމަކޮށްފައިވާގޮތުގައި ގްރޫޕް މާރާމާރީއާއި ގުޅިގެން ޖުމްލަ 80 އަށްވުރެ ގިނަ މީހުން އެފަރާތުން ހައްޔަރުކޮށްފައިވާއިރު ތުހުމަތުކުރެވޭ 70 މީހެއްގެ މައްސަލަ ވަނީ އެޓަރނީ ޖެނެރަލްގެ އޮފީހަށް ހުށަހެޅިފައެވެ.

އިންތިހާބާ ގުޅޭ ތަމްރީނުހޯދުމަށް އެމްޑީޕީގެ 3 މެމްބަރަކު އިނގިރޭސިވިލާތަށް ފުރައިފި

އިބްރާހީމް މުޙައްމަދު

އިންތިހާބާ ގުޅުން ހުރި ތަމްރީނުތަކެއް ހޯދުމުގެ މަޤްސަދުގައި ދިވެހިރައްޔިތުންގެ ޑިމޮކުރަޓިކް ޕާޓީ (އެމްޑީޕީ)ގެ ތިން މެމްބަރަކު އިނގިރޭސިވިލާތުގެ ވެރިރަށް ލަންޑަނަށް ހޮނިހިރުދުވަހު ފުރައިފިއެވެ. އެމްޑީޕީން ހާމަކުރިގޮތުގައި މި ދަތުރު އިންތިޒާމް ކުރަނީ އިނގިރޭސި ވިލާތުގެ އިދިކޮޅު ސިޔާސީ ޕާޓީކަމުގައިވާ ކޮންޒަވޭޓިވް ޕާޓީންނެވެ. އަދި މި ދަތުރުގައި ބައިވެރިވަނީ އެމްޑީޕީގެ ޢާއްމު މެމްބަރެއްކަމުގައިވާ އަޙުމަދު ޝާހިދު(ސާބެ)އާއި އެމްޑީޕީ ރ.އަތޮޅުގެ ރައީސް އަދި ނިމިގެން ދިޔަ އެމްޑީޕީ ޕްރައިމެރީސްގެ އިންތިހާބު ކޮމެޓީގެ މުޤައްރިރު މުޙައްމަދު ރަޝީދާއި އެމްޑީޕީގެ އައްޑޫ ދާއިރާގެ ނާއިބު ރައީސް އަބްދުﷲ ސާދިގު ކަމަށް އެޕާޓީން ޚަބަރު ދިނެވެ.  

މާލޭ އިންޓަނޭޝަނަލް އެއަރޕޯޓުގައި ހުންނަވައި މިނިވަން ނޫހަށް ދެއްވި ބަސްދީގަތުމުގައި ޝާހިދު ވިދާޅުވީ 7 ދުވަހުގެ މިދަތުރުގެ ސަބަބުން ކުރިއަށްއޮތް އިނގިރޭސިވިލާތުގެ ލޯކަލް އިލެކްޝަނެއް ކުރިއަށްދާގޮތް ވަރަށް ރަނގަޅަށް އެނގިގެން ދާނެކަމަށެވެ. އަދި ކެމްޕެއިން ކުރާނެ ގޮތާއި ރާއްޖޭގައި މިއަހަރު ބޭއްވޭ ރިޔާސީ އިންތިހާބަށް ރަނގަޅަށް ތައްޔާރު ވުމުގެ ފުރުސަތުވެސް ލިބިގެން ދާނެކަމަށްވެސް ޝާހިދު ވިދާޅުވިއެވެ.

"މިއީ ވެސްޓްމިސްޓަރ ޕްރޮގްރާމްގެ ދަށުން ކުރިއަށްދާ ހަރަކާތެއް" އެމްޑީޕީގެ ޖޫން 2007ގެ ރިޔާސީ އިންތިޚާބު ކޮމެޓީގެ މުއާވިންކަންވެސް ކުރައްވާފައިވާ ޝާހިދު ވިދާޅުވިއެވެ.

ލ އަތޮޅުން ގިރިއަކަށް އެރި ފުވައްމުލަކު ބޯޓު ފުންކޮށްފި

ލ. އަތޮޅު ކުނަހަންދޫގެ ފަޅުގެ ދަތިކަމުގެ ވާހަކަތައް އެރަށު މީހުން ދައްކަމުންދަނިކޮށް އެރަށު ފަޅު ތެރޭގައި އޮތް ގިރިއަކަށް އަރައި ބީހުނު ފުވައްމުލަކު އުޖާލާ ބޯޓު ފުންކުރެވިއްޖެކަމަށް އެބޯޓުން މައުލޫމާތު ދީފިއެވެ.

ބުރާސްފަތިދުވަހު މެންދުރު 1:30 ކަންހާއިރު މި ބޯޓު ފުންކޮށްފައިވަނީ ސިފައިންގެ އެހީގައި ބޯޓުގައި ހުރިހާ މުދާ ދޯންޏަކަށް ނެގުމަށްފަހުގައި ކަމަށް ބޯޓުން މައުލޫމާތުދެއެވެ.

މިމަހުގެ 23 ވަނަ ދުވަހުގެ ރޭ ދަންވަރު 2:00 ކަންހާއިރު އުޖާލާ ބޯޓު ކުނަހަންދޫ ފަޅުގައި އޮތް ގިރިއަކަށް އަރާފައިވަނީ މާލެއިން ފުރައިގެން ފުވައްމުލަކަށް ދަތުރު ކުރަމުންދަނިކޮށް މޫސުން ގޯސްވުމާ ގުޅިގެން ކުނަހަންދޫ ފަޅުތެރެއަށް ވަނުމާ ގުޅިގެން ކަމަށް މައުލޫމާތުލިބިފައިވެއެވެ.

އުޖާލާ ބޯޓު ގިރިއަށް ބީހުނު އިރު އެ ބޯޓުގައި ގެދޮރު ޢިމާރާތްކުރުމުގެ ސާމާނާއި ވިޔަފާރިވެރިންގެ މުދާ ގިނަ އަދަދަކަށް ހިމެނޭކަމަށްވެއެވެ. އަދި އަންހެނުންނާއި ކުޑަކުދިންވެސް ގިނަ އަދަދަކަށް ތިބިކަމަށްވެއެވެ. ނަމަވެސް މިހާދިސާގައި އެއްވެސް މީހަކަށް ގެއްލުން ލިބިފައި ނުވާކަމަށް މައުލޫމާތު ލިބިފައިވެއެވެ.

މިހާދިސާ އާ ގުޅިގެން މިބޯޓުން ދަތުރުކުރި ބައެއްމީހުން ވަނީ ކުނަހަންދޫގެ ދޯނި ފަހަރުގައި ކުނަހަންދޫއަށް ގެންގޮސްފައެވެ. ކުނަހަންދޫއަކީ ލަފާ ފުރުފުމުގެ ދަތިކަން ކުރިމަތިވެފައިވާ ރަށްތަކުގެ ތެރޭގައި ހިމެނޭ ރަށެކެވެ.

2000 ބަސްތާ ސިމެންތި ބަރުކޮށްގެން ދަތުރުކުރި ދޯންޏެއް ފަރަކަށް އަރައި 1200 ބަސްތާ ސިމެންތި މޫދަށް އުކާލައިފި

މުހައްމަދު އަޝްރަފް

 

 މާލެއިން 2000 ބަސްތާ ސިމެންތި ބަރުކޮށްގެން ކ.ކާށިދުއަށް ދަތުރުކުރި މ.ފުރަވެނި މުޙައްމަދު މޫސާގެ "ގާފިލާ" ދޯނި ކ.ކާށިދޫގެ ނެރުމައްޗަށް ބުރާސްފަތިދުވަހުގެރޭ 12:30 ކަންހާއިރު އަރައިފިއެވެ.

މިހާދިޘާގައި މިދޯނިން ދަތުރު ކުރި 5 ފަޅުވެރިންގެ ތެރެއިން އެއްވެސް މީހަކަށް ގެއްލުމެއް ލިބިފަނުވާ ކަމަށް މައުލޫމާތު ލިބިފައިވެއެވެ.

މިހާދިސާގައި އެދޯނީގައިހުރި ސިމެންތީގެ ތެރެއިން 1200 އެއްހާ ބަސްތާ ސިމެންތިވަނީ މޫދަށް އުކާލާފައެވެ. ކާށިދޫ ރައްޔިތުންނާއި، ކާށިދޫ ޕޮލިސް ސްޓޭޝަން އަދި ދޯނީގެ ވެރިފަރާތް ގުޅިގެން ކުރެވުނު މަސަތްކަތުން އިއްޔެ 11:25 ކަންހާއިރު މިދޯނިވަނީ ފުންކުރެވިފައެވެ.

މިހާދިޡާގެ މައުލޫމާތު މޯލްޑިވްސް ޑިފެންސް ފޯސްގެ ކޯސްޓްގާޑަށް ލިބުމާ ގުޅިގެން ކާށިދޫއޮފީހަށް ގުޅައި މިދޯންޏަށް އެހީތެރިކަން ފޯރުކޮށްދިނުމަށް 2 ދޯނި އެސަރަހައްދަށް ފޮނުވިފައިވާ ކަމަށްވެއެވެ. ނަމަވެސް އެސަރަހައްދަށް ފޮނުވުނު 2 ދޯންޏަށް، ގާފިލާދޯއްޏާއި ކައިރިކުރެވޭގޮތް ވަނީ ނުވެފައެވެ.

މީގެއިތުރުން އިއްޔެރޭވެސް ކަނޑުމަތީގެ 2 ހާދިސާއެއްގެ ރިޕޯރޓް ކޯސްޓްގާޑަށް ލިބިފައިވާ ކަމަށް ކޯސްޓްގާޑުން މައުލޫމާތުދެއެވެ. ކޯސްޓްގާޑަށް ލިބެމުންދާ ހާދިސާތަކުގެ ތެރެއިން ގިރިފަރަށް އެރުމުގެ ގިނަ ހާދިސާތަކަކީ ރޭގަނޑު ދިމާވެފައިވާ ހާދިސާތަކެއްކަމަށް މައުލޫމާތުދެއެވެ.

ރޭގަނޑު ދަތުރުތައް ރޭއްވުމަށް ވުރެން ބޮޑަށް ދުވާލު ދަތުރުތައް ރާއްވަވައިގެން ދަތުރުތައް ކުރެއްވުމަށް އުޅަނދުފަހަރުގެ ކެޕްޓަނުންނާއި ވެރިފަރާތުން ސަމާލުކަން ދެއްވުމަކީ ކޯސްޓްގާރޑުގެ ވަރަށް ބޮޑު އެދުމެއް ކަމަށްވެސް ކޯސްޓްގާޑުން މައުލޫމާތުދެއެވެ. އަދި ރޭގަނޑު ދަތުރުކުރައްވާނަމަ ގިރިފަރު ގިނަ އަތޮޅުތަކުގެ ތެރެއިން ދަތުރުކުރެއްވުމުގެ ބަދަލުގައި އަތޮޅުތަކުގެ ބޭރުން ދަތުރުކުރެއްވުމާއި ރަށްރަށުގެ ނެރުން ވަދެ ނިކުތުމުގައި މިހާރަށްވުރެ ބޮޑަށް ސަމާލުކަން ދެއްވުމަށް ކޯސްޓްގާޑުން އިލްތިމާސް ކުރައްވައެވެ.

އަތޮޅު ކޮމެޓީގެ ޓީމު އިސްދޫކަލައިދޫގެ ކަލައިދޫ އޮފީހުގައި ބަންދު ކޮށްފި

އިސްމާއިލް

 

ދެއަވަށު މެދުގައި ހުންނަ ސިއްހީ މަރުކަޒަށް ކަރަންޓު ދިނުމުގައި ޚިޔާލުތަފާތުވެގެން ހައްދުންމަތީ އިސްދޫކަލައިދޫއަށް ރިޕޯޓެއް ހެދުމަށް ލ އަތޮޅު އޮފީހުން ފޮނުވި ޓީމު އިސްދޫކަލައިދޫގެ ކަލައިދޫ އޮފީހުގައި އެއަވަށު ރައްޔިތުން ބަންދު ކޮށްފިއެވެ.

އިސްދޫ ކަލައިދޫން މިނިވަނަށް މައުލޫމާތު ދިން ކަލައިދޫ އަވަށު މީހަކު ބުނީ ހޮނިހިރުދުވަހު 10 ޖަހާ ކަންހާއިރު އެރަށަށް އައި އަތޮޅު އޮފީހުގެ މިޓީމުގެ 6 މީހުން ބަންދުކުރީ ރައްޔިތުންގެ މައްސަލަތައް ހައްލު ކޮށްދޭން މަސައްކަތް ނުކުރާތީކަމަށާއި އެމީހުން ދޫކޮށްލެވޭނީ އެރަށުގެ މައްސަލަތައް ހައްލު ކޮށްދިނުމުންކަމަށެވެ. އެމީހުން ރަށު އޮފީހުގައި ބަންދު ކޮށްފައި ތިބި ނަމަވެސް ކެއުމުގެ ކަންތައްތައް ކަލައިދޫ ރައްޔިތުން ހަމަޖައްސައި ދޭކަމަށްވެސް އޭނާ ބުންޏެވެ.

ސިއްހީ މަރުކަޒަށް ކަރަންޓް ދިނުމުގައި ޚިޔާލުތަފާތުވެގެން ހައްދުންމަތީ އިސްދޫކަލައިދޫގެ ދެއަވަށް ގުޅުވައިދޭ މަގު ދެއަވަށުންވެސް ކޯރު ކޮނެ މަގު މިހާރު ވަނީ ބަންދުކޮށްލައިފައިކަމަށާއި، ކޮންމެ އަވަށަކުންވެސްވަނީ، އެއަވަށެއްގެ ކޮޅަށް ޞިއްހީ މަރުކަޒުވާނެހެން އަނެއް އަވަށު ކޮޅުން ދިގު ފުން ވަޅުގަނޑެއް ކޮނެފައި ކަމަށްވެސް މިނިވަނަށް މައުލޫމާތު ދިން ފަރާތުން ބުންޏެވެ. އަދި ކަލައިދޫ އަވަށުގެ ބަޔަކުގޮސް އިސްދޫ އަވަށާއި ޞިއްހީ މަރުކަޒާ ދެމެދު ގާތްގަޑަކަށް 4 ފޫޓްފުޅާ ގ ފޫޓެއްހާ ފުން ވަޅުގަނޑެއް މަގުހުރަސްކޮށް ކޮނެފައިވާއިރު، އިސްދޫއަވަށުގެ ބަޔަކުގޮސް ވަނީ ކަލައިދޫ އަވަށާ ޞިއްހީ މަރުކަޒާ ދެމެދު ގާތްގަޑަކަށް ދިހަފޫޓް ފުޅާކޮށް އަށެއްކަ ފޫޓް ފުންމިނުގައި މަގު ހުރަސްކޮށް ވަޅުގަނޑެއް ކޮނެފައިކަމަށް ވެސް އެނާ ބުންޏެވެ.

ކަލައިދޫ މީހުން ބުނާ ގޮތުން ސަރުކާރުން ހުރިހާ އެހީއެއް ވެދެނީ އިސްދޫ އަވަށު މީހުންނަށް ކަމަށާއި، ކަލައިދޫ އަވަށު މީހުންނަކީ ތިބޭބައެއްކަންވެސް ސަރުކާރުން ނުދަންނަ ކަމަށެވެ. އަދި ސުނާމީގައި އެންމެ ބޮޑަށް ހާލުގައި ޖެހުނީވެސް ކަލައިދޫ އަވަށު މީހުންކަމަށާއި ނަމަވެސް ސަރުކާރުން އެހީ ދީފައިވަނީ އިސްދޫ އަވަށު މީހުންނަށް ކަމަށްވެސް ކަލައިދޫ އަވަށު ރައްޔިތުން ބުނެއެވެ.

ދެއަވަށުގެ ދެމެދު އޮތް ހަމަނުޖެހުން ނިމޭނީ ސަރުކާރުން ޒިންމާ ދާރުވެ ހުރިހާ ރައްޔިތުންނަށް އެއް ހަމައަކުން ކަންތައް ތައް ކޮށްދިނުމުން ކަމަށާއި، ކަލައިދޫ އަވަށުގައި ދިރިއުޅޭ 1000 ހާ މީހުންނަކީވެސް ރާއްޖޭގައި އުޅޭބައެއްކަން ސަރުކާރުން ދަންނަން ޖެހޭނެ ކަމަށްވެސް އެރަށުގެ ރައްޔިތުން ބުނެއެވެ.

އިހަންވަންދޫއަށް ގާސިމް ވަޑައިގަތްކަމުގައިވިއަސް ލާރި ބަހައިގެން އެމްޑީޕީގެ ވޯޓެއް ނުގަނެވޭނެ ކަމަށް އަލީ ޝީޔާމް ވިދާޅުވެއްޖެ

އިސްމާއިލް

ލާރި ބަހައިގެން އެމްޑީޕީގެ ވޯޓެއް ނުގަނެވޭނެ ކަމަށް މައްޝޫރު ވިޔަފާރި ވެރިއެއްކަމަށްވާ 3އޭ ކުންފުނީގެ ޗެއާރމަން އަދި އެމްޑީޕީގެ ގައުމީމަޖިލީހުގެ މެމްބަރު އަލީ ޝިޔާމް ވިދާޅުވެއްޖެއެވެ.

އެމްޑީޕީގެ ގައުމީ ޗެއާޕާސަނަކު ހޮވުމަށް ބޭއްވި އިންތިހާބާއި އެޕާޓީގެ ރިޔާސީ ޕްރައިމަރީސް ގައި ވޯޓްލާ ވަގުތާ ގާތްކޮށް ފިނޭންސް މިނިސްޓަރ އަދި ޑީއާރުޕިގެ ނައިބް ޒައީމް ގާސިމް އިބްރާހިމް ހއ އިހަންދޫއަށް ހުކުރުދުވަހު ވަޑައިގަނެ އެއިންތިހާބަށް ނުފޫޒު ފޯރުވަން މަސައްކަތް ކުރިކަމަށް ހަބަރު ލިބުމާ ގުޅިގެން މިނިވަނަށް މައުލުމާތު ދެއްވަމުން އަލީ ޝިޔާމް ވިދާޅުވީ އެމްޑީޕީގެ މަސައްކަތްތަކަށް ސަރުކާރުން އަބަދުވެސް ދަނީ އެކިގޮތްގޮތަށް ހުރަސް އަޅަމުންކަމަށާއި، އެހެން ނަމަވެސް ސަރުކާރުން ޒަމާނުންސުރެ ކުރަމުން އައިގޮތަށް ލާރި ބަހައިގެންނެއް އެމްޑީޕިގެ ވޯޓެއް ނުގަނެވޭނެ ކަމަށެވެ. އަދި ގާސިމްގެ އެހީ ގަބޫލު ކުރި ނަމަވެސް އެމްޑީޕީގެ މެމްބަރުންނެއް ގާސިމް ބުނާ ގޮތަކަށް ވޯޓެއް ނުދޭނެ ކަމަށްވެސް އަލީ ޝިޔާމް ވިދާޅުވިއެވެ.

"މިއަދު ފެނިގެން އެދިޔައީ މެމްބަރުން ދެކޭގޮތް. އަޅުގަނޑުމެންނަށް ފެނިގެން ދިޔަ ހަގީގަތުގަ ޑީއާރުޕީގެ ނައިބު ޒައީމް ގާސިމް އިބްރާހިމްވެސް ވޯޓަށް ނުފޫޒް ފޯރުވަން މަސައްކަތް ކުރަމުން ދިޔަތަން. އެހެން ނަމަވެސް މިޕާޓީގެ މީހުންނަކީ ވަރަށް ހޭލުންތެރި ބައެއް. އެހެންވީމަ ގާސިމް އިބްރާހިމަށް ނުފޫޒު ފޯރޭ ވަރަށް ވުރެ ބޮޑަށް މިޕާޓީގެ ވިސްނުން މިއޮތީ މާކުރިއަށް ގޮސްފަ. ހަގީގަތު އަދިވެސް އެއުޅެނީ ގާސިމަށް ބަދަލު ނައިސްގެން. ގާސިމް އަދިވެސް އެހުރީ އެންދެރިމާގޭ ގެންގުޅޭ ކުއްޖެއްގެ ވިސްނުމުގައި. އެހެންވީމަ އަޅުގަނޑު އަދިވެސް ގޮވާލަން އޮތީ. ގެންގުޅޭ ކުއްޖެއްގެ ގޮތުން ސަލާމަތް ވާށޭ" އަލީ ޝިޔާމް ވިދާޅުވިއެވެ.

މިނިވަނަށް މައުލޫމާ ދިން އިހަވަންދޫ ރައްޔިތަކު ބުނީ އިއްޔެ ގާސިމް އިބްރާހިމް ހުކުރުވަގުތާ ގާތްކޮށް އިހަވަންދޫއަށް ވަޑައިގެންނެވިކަމަށާއި، އަދި ހުކުރު ނަމާދަށް ފަހު ގާސިމާއި އެރަށުގެ ވަރަށް ގިނަ އަދަދެއްގެ ރައްޔިތުން ބައްދަލުކުރިކަމަށެވެ. އަދި މިބޭއްވި ބައްދަލުކޮށްލުމުގައި ގާސިމް ވާހަކަދެއްކެވީ ހަގީގަތާއި އަދި އިހަވަންދޫ ރައްޔިތުންގެ އިހްސާސްތަކާ ދެކޮޅަށް ކަމަށެވެ. ގާސިމް ވިދާޅުވަމުންދިޔައީ ސަރުކާރުން ގިނަ ކަންތައްތަކެއް ކޮށްދެމުންދާކަމަށާއި، އެހެން ވުމުން އިހަވަންދޫ ރައްޔިތުންނާއި ގާސިމާ ދެމެދު ހޫނު ޒުވާބު ތަކެއް ކުރެވުނުކަމަށްވެސް އެފަރާތުން ބުންޏެވެ. އަދި އިއްޔެ ކުރިއަށް ދިޔަ އެމްޑީޕިގެ ޕްރައިމަރީސް ގައި ޑރ މުނައްވަރަށް ވޯޓް ދެއްވުމަށް އެރަށު ބައެއް ރައްޔިތުންގާތު ގާސިމް އެދިފައި ވާކަމަށްވެސް އެފަރާތުން ބުންޏެވެ.

"ގާސިމް މުޅިންވެސް މަސައްކަތްކުރީ ސަރުކާރުގެ ރަނގަޅު ވާހަކަ ދައްކަން. ގާސިމާ ވަރަށް ގަދައަށް ޒުވާބު ކުރެވުނު އެތަނުގަ. ބައެއްމީހުން ލޭހޫނުވެގެން ގަޔަށް އަތްފޯރުވާ ހިސާބަށްވެސް ދިޔަ. އިންތިގާލީ ބާބަށް ހެދި ގޮތުންނާ، ބަރުލަމާނީ ރިޔާސީ ނިޒާމުގެ ވޯޓުގެ ކަންތައްތައް އޭނާ ނިންމި ގޮތުންނާ މިހުރިހާ ކަމަށް ވާހަކަދެކެވުނު އެތަނުގަ" ގާސިމާ ވާހަކަ ދެއްކި އިހަވަންދޫ ރައްޔިތަކު މިނިވަނަށް މައުލޫމާތު ދެމުން ބުންޏެވެ.

އިއްޔެ އޮތް އެމްޑީޕީގެ ރިޔާސީ ކެންޑިޑޭޓު ވޯޓުގައި އިހަވަންދޫން އަންނިއަށް 207 ވޯޓު، ރީކޯއަށް 13 ވޯޓު، އަދި މުނައްވަރަށް 3 ވޯޓު ލިބިފައިވެއެވެ.

މިމައްސަލާގައި ގާސިމަށް ގުޅަންކުރި މަސައްކަތް ވަނީ ނާކާމިޔާބުވެފައެވެ.

"ތާފަނާ" ޑިބޭޓަކަށްފަހު ހުކުރުރުވަހުގެ ވޯޓުލުމަށް އެމްޑީޕީ ކުރިމަތިލަނީ

އެމްޑީޕީގެ ތަމްހީދީ އިންތިޚާބުގައި ކުރިމަތިލައްވާފައިވާ ތިން ކެންޑިޑޭޓުންގެ މެދުގައި ބަހުސްކުރުމަށް ދިއެފްއެމްއިން އިންތިޒާމްކޮށްގެން ބުދަދުވަހުގެރޭ ދަރުބާރުގޭގައި ބޭއްވި އިވެންޓަކީ ރާއްޖޭގެ ތާރީޚުގައި ރިޔާސީ ކެންޑިޑޭޓުންގެ މެދުގައި ބޭއްވޭ އެންމެ ފުރަތަމަ ޑިބޭޓެއް ކަމުގައި އެފަރާތުން ބުނިނަމަވެސް، ބެލުންތެރިން އުންމީދުކޮށްގެން ތިބިގޮތާ ޚިލާފަށް އެ އިވެންޓް ނިމިގެން ދިޔައީ އެއްވެސް ހޫނުކަމެއް ނެތް ކެންޑިޑޭޓުންގެ މެދުގައި ބޭއްވުނު ސުވާލާއި ޖަވާބުގެ ސެޝަންއެއްގެ ގޮތުގައެވެ. ކެންޑިޑޭޓުންގެ މެދުގައި ބޭއްވޭ ޑިބޭޓަކީ މަގާމަށް ކުރިމަތިލާ މީހުންގެ ތެރޭގައި ހުރި އަމިއްލަ ގާބިލުކަމާއި މަގާމާ އެކަށޭނަ މިންވަރު ވަޒަންކުރުމަށް ވޯޓުލާ މީހުންނަށް ހުޅުވާލެވޭ ފުރުސަތެއް ކަމުގައިވިޔަސް ރޭގެ އިވެންޓް ނިމިގެން ދިޔައީ ކެންޑިޑޭޓުން ދޭ ޖަވާބުފިޔަވައި އެމީހުންގެ ކިބައިގައިވާ ސިފަތައް ދެނެގަންނާނެ ފުރުސަތު ހިފެހެއްޓިފައި އޮތް ޖުމްލަކޮށް ރައީސް މައުމޫނަށާއި އޭނާގެ ޕާޓީ ޑީއާރޕީއަށް ކުރިމަތިކުރި ވަރުގަދަ ގޮންޖެހުންތަކަކުންނެވެ.

އެމްޑީޕީން މައުލޫމާތު ދޭ ގޮތުގައި މިމަހު 25 ވާ ހުކުރުދުވަހު އެޕާޓިން ބާއްވާ ތަމްހީދީ އިންތިހާބުގައި ވޯޓުލުމުގެ ހައްގުލިބިފައިވާ 20958 މެމްބަރުންގެ އެބަތިއްބެވެ. އަދި މިއިންތިޚާބުގައި ޖުމްލަ 117 ވޯޓުފޮށި ބެހެއްޓޭނެ ކަމަށާއި، އޭގެ ތެރޭގައި 6 ރިޒޯޓާއި، 3 ސިނާއީ ރަށާއި، އާބާދުވެފައިވާ 80 ރަށާއި މާލެ ހިމެނޭ ކަމަށް އެމްޑީޕީގެ އިންތިހާބު ކޮމެޓީން މައުލޫމާތު ދެއްވައެވެ. އަދި ސ. ހިތަދޫގައި 2 ފޮށިހުންނައިރު މާލޭގައި 27 ފޮށި ބެހެއްޓޭނެއެވެ. މޭލެގެ ފޮށިތަކުގެ ތެރެއިން ވިލިނގިއްޔާއި ހުޅުމާލޭގެ ފޮށިތައްނޫން އެހެން ހުރިހާ ފޮއްޓެއް ބަހައްޓާފައި ހުންނާނީ ކަލާފާނު ސްކޫލްގައެވެ. މާލޭގައި ހުންނަ 27 ފޮށީގެތެރެއިން 20 ފޮއްޓަކީ މާލޭގައި ދިރިއުޅޭ 20 އަތޮޅު / ދާއިރާގެ މެމްބަރުން ވޯޓުލާން މާލޭގައި ބަހައްޓާ ފޮއްށިކަމަށާއި، 4 އަވަށުގެ މެމްބަރުންނަށް ކޮންމެ އަވަށަކަށް އެއްފޮއްޓާއި، މާލޭދަފްތަރުގައި ހިމެނޭ މެމްބަރުންނަށް އެއްފޮށި ބަހައްޓާފައި ހުންނާނެކަމަށްވެސް އެމްޑީޕީން މައުލޫމާތު ދެއްވައެވެ.

 

މައުމޫނަށާއި ޑީއާރޕީއަށް އެތައް ގާގަޑެއް ފޮނުވާލެވުނު

ބައެއް ފަރާތްތަކުން ވިދާޅުވާ ގޮތުގައި ރޭގެ އިވެންޓު މައުމޫނު އަބްދުލްގައްޔޫމު ބޭނުންކުރައްވާނީ އޭނާގެ ހަތުރުން ދެނެގަތުމަށެވެ. ނަމަވެސް އެއީ ހަގީގަތެއްނަމަ ރޭގެ އިވެންޓުގެ ސަބަބުން ޚުދު އޭނާގެ ޕާޓީކަމުގައިވާ ޑީއާރޕީގެ މެމްބަރުންގެ ތެރޭގައި އޭނާއާމެދު އުފެދޭ ދެބަސްވުމާ ހިތްހަމަނުޖެހުން ބޮޑުވެ އާންމުގެ ތެރޭގައި މައުމޫނުގެ ނުކެރުމާއި ފިޑިކަމާއި ނޭއްގާނީކަން ހާމަވެގެންދާނެއެވެ. އެމްޑީޕީގެ ރިޔާސީ ކެންޑިޑޭޓުންގެ ސަޕޯޓަރުންގެ ތެރެއިން އިވެމުންދާ އަޑުތަކަށް ރިޔާއަތްކޮށް ޑީއާރުޕީން ރޭގެ އިވެންޓުގައި އެމްޑީޕީގެ އިސްސަފުގެ ކޯޅުންތައް އާންމުވެގެންދާނެ ކަމަށް އުންމީދުކޮށްގެން ތިބިނަމަ އެ އިވެންޓަކީ އެމީހުންނަށް ވަރަށް ބޮޑު ހިތްދަތިކަމެއް ގެނުވި އެއްޗެކެވެ. ސަބަބަކީ ތިން ކެންޑިޑޭޓުންވެސް ވާހަކަތައްވެސް އެމްޑީޕީގެ މެނިފެސްޓޯގެ ތެރޭގައި ހިފަހައްޓާފައިވާތީއާއި އެކަކު އަނެކަކެއްގެ ވާހަކައަށް އިހްތިރާމުކުރުމުގައި ހައްދުފަހަނަޅާ ދިޔުމުގެ ސަބަބުން އެއްވެސް ބޭފުޅަކު އަނެއް ބޭފުޅަކަށް ރައްދުދެއްވާފައިނުވާތީއެވެ.

ޑިމޮކްރެސީއެއްގެ އެތެރޭގެ އޮޕަރޭޝަންތަކާއި ރާއްޖެއަށް އަންނަމުންދާ އިސްލާހީ ބަދަލުތަކުގެ ކުރިމަތީގައި ރޭގެ އިވެންޓުގައި ކެންޑިޑޭޓް މުހަންމަދު ނަޝީދު (އަންނި) ވަރަށް ވަރުގަދަ ގޮން ޖެހުމެއް މައުމޫނު އަބްދުލްގައްޔޫމަށާއި ޑީއާރޕީގެ މެމްބަރުންނަށް ކުރިމަތި ކުރެއްވިއެވެ.

"އަޅުގަޑު ވަރަށް އިޚްލާސްތެރިކަމާއެކު ޑީއާރޕީ މެމްބަރުންގެ ކިބައިން އެދެނީ އެބޭފުޅުން އެވަނީ ރިޔާސީ ނިޒާމަކަށް ވަކާލާތުކޮށް ރިޔާސީ ނިޒާމެއް މިރާއްޖެއަށް ގެންނަވާފައޭ. އެ ނިޒާމުގައި ހިމެނޭ އެންމެ ބޮޑު އެއް ރުކުނޭ އެއީ ޕްރައިމަރީއަކީ. އެ ބޭފުޅުންގެ ޕާޓީގެ ތެރެއިން އަޅުގަޑުމެންނާ ވާދަކުރަން ނުކުންނަވާ ކެންޑިޑޭޓް ނުކުންނަވަން ޖެހޭނީ އެ ބޭފުޅުންގެ ޕްރައިމަރީއަށް ފަހުގައޭ." ގ ކެނެރީގޭ މުހަންމަދު ނަޝީދު އެންމެފަހު ބަސްތަކުގައި ވިދާޅުވިއެވެ. "އަޅުގަޑު މައްޗަންގޮޅީ ކިބިގަސްދޮށުގޭ މައުމޫނު އަބްދުލްގައްޔޫމުގެ އަރިހުން މި އެދެނީ އެ ބޭފުޅާގެ ޕާޓީގެ ޒައާމަތުން އެ ބޭފުޅާ އިސްތިއުފާ ދެއްވާ އެ ބޭފުޅާގެ ޕާޓީ ފުރިހަމަ ޑިމޮކްރެޓިކް ޕާޓީއަކަށް ހުޅުވާލައްވައި އެ ޕާޓީގެ އެތެރޭގެ އިންތިޚާބު ބޭއްވުމަށް. އަޅުގަޑުމެންނަށް އަޅުގަޑުމެން މި އެދޭ އަނެއް ދިވެހިރާއްޖެއަށް މިއަދު ދެވޭނީ ގިނަ ޕާޓީއެކުލެވޭ ރިޔާސީ ނިޒާމެއް ލިބޭނީ އެމްޑީޕީ އެކަނި ޑިމޮކްރެޓިކް ވެގެނެއް ނޫން. ޑީއާރޕީގެވެސް އެހެން ޕާޓީތައްވެސް މި ދަންނަވާ އިންތިޒާމުތައް ހަމަޖައްސަންޖެހޭނެ. އެ އިންތިޒާމްތައް އެބޭފުޅުންނަށް ލިބެންޖެހޭނެ." 

އެމްޑީޕީގެ ތިން ކެންޑިޑޭޓުންނާއެކު ރޭ ފެނިގެންދިޔަ ހަރަކާތަކީ އިސްލާހީ ބަދަލުތަކެއް އަންނަ މިފަދަ ދުވަސްވަރެއްގައި އެފަދަ ހަރަކާތެއްގައި ބައިވެރިވެގެން އެމީހަކަށް ލިބިފައިވާ ހުނަރާއި ގާބިލުކަން އާންމުންގެ ލޯމައްޗަށް ނުކުމެ ދައްކާލަން ބޭނުންވާނެ އެތައް މެމްބަރުންނެއް ޑީއާރޕީގައިވެސް ތިބޭނެކަމަށް ބެލެވޭ ހިނދު ރޭގެ އިވެންޓަކީ ވެގެންދާނީ ޑީއާރޕީގެ އެފަދަ މެމްބަރުންނަށް ކޮންމެސްވަރެއްގެ އުދާސްކަމާއި މާޔޫސްކަން ގެނުވާނެ މަންޒަރަކަށެވެ. ޚާއްސަކޮށް ޑީއާރޕީއަކީ ހަމައެކަނި މައުމޫނަށްޓަކައި އުފެދިފައިވާ ޕާޓީއެއް ނޫން ކަމުގައި ގަބޫލުކުރާ އެޕާޓީގެ ބައެއް މެމްބަރުންނަށް މުހަންމަދު ނަޝީދުގެ ވާހަކަ ވެގެންދާނީ އެކަން ދައްކާލުމަށް ބޭނުންވާ އަދި ފުރިހަމައަށް އެއްބަސްވެވޭ ވާހަކަތަކަކަށެވެ.

ރޭގެ އިވެންޓުގައި މޫސާ މަނިކުގެ ވާހަކައަކީވެސް އެމޭރުމުން ޑީއާރޕީގެ މެމްބަރުންނަށާއި އާންމުންނަށް އިސްލާހީ މަސައްކަތުގައި މިއަދު އާދެވިފައިވާ ފިޔަވަޅާމެދު ޔަގީންކަން ލިބިދޭނެ ވާހަކަތަކަކަށެވެ.

"އަޅުގަނޑުމެން ތިން މީހުން މިއަދު ނުކުމެ ތިބޭފުޅުން އަދި ޚާއްސަކޮށް ދައުލަތުގެ ޓީވީ ކެމެރާތަކުގެ ކުރިމަތީގައި ދިވެހިރާއްޖޭގެ ރައްޔިތުން ހުރިހާ ހިސާބެއްގައި ބަލަން ތިއްބާ އަޅުގަޑުމެން ފަޚުރުވެރިކަމާއެކީގައި މިބުނަނީ އަޅުގަޑުމެން މަގުމައްޗަށް ނުކުތުން އަޅުގަޑުމެން އެކިކަންކަމަށް މުޒާހަރާކުރުން މަޖިލީހުގައި ދެއްކިވާހަކަތަކަށް ދިވެހިސަރުކާރުން އަޅުގަޑުމެންނާ ދޭތެރޭ ދެއްކި ވާހަކައިގެ އިދިކޮޅަށް އަޅުގަޑުމެން މިތިބީ ދިވެހިރާއްޖޭގެ ޓީވީއަށް އަރައި ވެރިކަން ކުރާނަމޭ ބުނާށޭ. މިއީ ހިތްވަރެކޭ އަޅުގަޑުމެން ކުރި. މިއީ މަސައްކަތެކޭ އަޅުގަޑުމެން ކުރި." ރީކޯ މޫސާ މަނިކު ވިދާޅުވިއެވެ.

އިސްލާހީ ބަދަލުތަކެއްގެ ކުންނުގައި ރާއްޖޭގެ އިގްތިސާދާއި އާންމު ހާލަތަށް ބެލުމެއްނެތި މައުމޫނު އަބްދުލްގައްޔޫމުގެ ވެރިކަން އިންޒިމާމުކޮށްފައި އޮންނަގޮތަށް އިޝާރާތްކޮށް ޑރ މުނައްވަރު ފާޑު ވިދާޅުވިއެވެ.

"އަޅުގަޑު ޝިޔާރެއްގެ ގޮތުގައި ޚާދިމްކުމް ހޮވާފައިވަނީ ދިވެހިރާއްޖޭގައި އާންމުކޮށް ވެރިކަންކުރުމުގެ ކަންތައް ބައްޓަން ކުރެވިފައި ގޮތް ބަދަލުކުރުމަށްޓަކައި. އެއީ މިހާތަނަށް ދިވެހިރާއްޖޭގެ ވެރިކަމުގެ މަގާމުގައި ތިއްބަވާފައިވާ ބޭފުޅުން އަމަލުކުރައްވާފައިވަނީ އެއީ ސާހިބުންކަމުގައި އަދި ރައްޔިތުންނަކީ ޚާދިމުންކަމުގައި ދެކޭގޮތަށް ބަދަލުކޮށް. އެހެންވީމާ އަޅުގަޑުމެންގެ މަގްސަދަކީ ކުރިއަށް އޮތް ތަނުގައި ދިވެހިރާއްޖޭގެ ވެރިކަން ކުރުމަށް ތިބޭ ބަޔަކު ނުވަތަ ވެރިކަމުގެ މަގާމުތަކުގައި ތިބޭ ބަޔަކު އެއީ ރައްޔިތުންގެ ޚާދިމުންކަމުގައި ދެކިގެން، އަދި ރައްޔިތުންނަކީ ބާރުވެރިފަރާތްކަމުގައި ދެކިގެން... ޚިދުމަތްކުރަނީ ރައްޔިތުން ނޫންކަމާއި ޚިދުމަތްކުރަނީ ވެރިކަމުގައި ތިބި ބަޔަކު ރައްޔިތުންނަށް ކަމާ ޚާދިމުންނަކީ ހަގީގަތުގައިވެސް ވެރިކަމުގައި ތިއްބަވާ ބޭފުޅުންކަން ޔަގީންކޮށްދޭން" ޑރ މުނައްވަރު ވިދާޅުވިއެވެ. "މިހާރު ދިވެހިސަރުކާރު ހިންގުމާ އެގިވަޑައިގަންނަވާނެ...ވުޒާރާތައް ހިންގުމާ ހަވާލުވެ ތިއްބެވި ވަޒީރުންނަށްވުރެ ގިނައިން ވުޒާރާއެއް ނެތި މަސައްކަތެއް ނެތިފަ ތިބި ވަޒީރުން. ...ދިވެހިރާއްޖެފަދަ ގައުމެއް ހިންގުމަށް ބޭނުންވަނީ ގާތްގަޑަކަށް ދިހަވަރަކަށް ބާރަވަރަކަށް ވުޒާރާ. އެތަންތަނުން ބޭނުންވާ ޚިދުމަތްތައް ދިނުމަށް ބޭނުންވާ މަގާމުތައް އުފެއްދުމަށްފަހު ދެން މީހުން ހަމަޖައްސަންޖެހެނީ މަގާމުތަކަށް. މީހުންނަށް މަގާމުތައް ހަމަޖައްސާ އުސޫލެއް ނޯންނާނެ އެމްޑީޕީގެ ވެރިކަމެއްގައި." ޑރ މުހަންމަދު މުނައްވަރު ވިދާޅުވިއެވެ.

 

ތިން ކެންޑިޑޭޓުން ދެއްކެވި ވާހަކައާއި ފެނިގެންދިޔަ ގޮތް

ރޭގެ އިވެންޓް ނިމިގެން ދިޔައީ އާންމުކޮށް އެމްޑީޕީގެ ޖަލްސާތަކާއި އެޕާޓީގެ ގައުމީ މަޖިލީހުގެ ޖަލްސާތަކުން ފެނިގެންދާ ޖޯޝާއި ފޯރިއެއްނެތި ކެންޑިޑޭޓުންގެ ފަރާތުން ބެލުންތެރިން ދެކިލަން ބޭނުންވި ކަންކަމަށް މާ ބޮޑު ފުރުސަތެއް ނުލިބިއެވެ. އެހެންކަމުގައިވިޔަސް މޮޑަރޭޓަރުން ކުރެއްވި ސުވާލުތަކަށް ކެންޑިޑޭޓުން ދެއްވި ޖަވާބުތަކުގައި ކެންޑިޑޭޓުންގެ މެދުގައިވާ ތަފާތުތައް ކޮންމެސްވަރަކަށް ހާމަވެގެން ދިޔައެވެ.

ޑރ މުހަންމަދު މުނައްވަރު ޖަވާބު ދެމުން ގެންދެވީ އާދައިގެ މަތިންވެސް އޭނާ ވާހަކަދައްކަމުން ގެންދަވާ މަޑު އަދި އަވަސް މިނުގައި އެމްޑީޕީގެ މެނިފެސްޓޯގެ ތެރޭގައެވެ. އަދި އޭނާގެ ފަރާތުން ރައްޔިތުން އުއްމީދުކުރާނެ އެއްޗެއްގެ އެއްވެސް ތަފްސީލެއް ނުދެއްވާ ވަރަށް ފުޅާ ދާއިރާއެއްގައި ހިފަހައްޓަވައިގެން ވަކިފަރާތަކަށް ނުޖެހޭފަދަ ގޮތަކަށެވެ. ރައްޔިތުންނަށް ދެއްވާނެ އެއްޗެއްގެ ވާހަކަ ތަފްސީލުކޮށް ވިދާޅުވެފައި ނުވާތީ އޭނާގެ ޖަވާބުތައް ހުރީ ގިނަ ސިޔާސީ މީހުން ވާހަކަ ދައްކަވާ ބީދައިންނެވެ. ބައެއް ފަރާތްތަކުން ދެކޭގޮތުގައި އޭނާގެ "އެއްވެސް ކާޑެއް ނުދައްކަވާ" ވާހަކަދައްކަވަމުން ގެންދެވިއިރު އޭނާ ފެނިގެން ދިޔައީ އޭނާއާމެދު ގިނަބަޔަކު ދެކޭގޮތަށް ކުރިއަށް ކަންކުރާނެގޮތުގެ ހަގީގަތް ނޭގޭ މީހެއް ގޮތުގައެވެ. އެކަކު ކުރުކޮށްލާފައި ބުނިގޮތުގައި، މުނައްވަރަކީ ކާކުކަމެއް ނޭގުނެވެ.

ރީކޯ މޫސާމަނިކު ޖަވާބު ދެއްވަމުން ގެންދެވީ އާދައިގެ މަތިން މުޅި މާހައުލަށް ހުނުމުގެ އަޑު އިއްވާ ހޯލްތެރޭގެ މުޅި މާހައުލަށް ވެރިވެފައިއޮތް ޓެންޝަން ރިލެކްސް ކޮށްދެމުން އަވަސް ބަސްތަކަކުންނަމަވެސް އަޑުއަހާލަން ފަސޭހަ އިބާރާތްތަކަކުންނެވެ. ކްލެސިކް ރީކޯއެވެ. އަދި މޮޑަރޭޓަރ ހުށަހެޅި ސުވާލުތަކަށް އޭނާ ދެއްވި ޖަވާބުތަކަށް ބަލާލާއިރު ރީކޯ މޫސަ ފެނިގެން ދިޔައީ އެކިއެކި ބައްދަލުވުންތަކުގައި ތަކުރާރުކޮށް އޭނާ ދައްކަމުން ގެންދާ ޕާޓީއަށް ވަފާތެރި އިޚްލާސްތެރިއެއްކަމުގައި ސާބިތުކޮށްދެއްވަމުން އިސްލާހީ ބަދަލަކީ ރައްޔިތުންގެ މަޖިލީހުގެ ތެރެއިން ނިކުމެގެން އައި އޮއެވަރެއްކަމަށާއި އެކަމުގެ އެންމެ ކުރީގައި އޭނާ ހުންނެވިކަން ދޭހަކުރުމަށް މަސައްކަތްކުރާ ބަސްމަގަކުންނެވެ. ވެރިއަކަށް ހުރި މީހަކަށް ކޮންމެހެން ހުރިހާކަމެއް އެގެން ނުޖެހޭނެކަމަށް ވިދާޅުވެ އޭނާގެ ވެރިކަމެއްގައި އެކި ދާއިރާތައް ހިންގުމަށް އެންމެ ގާބިލު މީހާ ހަމަޖައްސާނެކަމަށް ރީކޯ މޫސަ އެހެން ފޯރަމެއްގައި ވިދާޅުވެފައިވާއިރު އޭނާގެ ޖަވާބުތައް ހުރީ އޭނާގެ ވެރިކަމުގައި ކަންތައްތައް ހަމަޖެހިފައި އޮންނާނެގޮތުގެ އަމާޒު، ލާމެހިފައިވާ ސިފައެއްގައި އޮތްކަން ހާމަނުވާގޮތަކަށް އެޑްހޮކް ސިފައެއްގައެވެ. އަދި ބައެއް ސުވާލުތަކަށް ޚާއްސަކޮށް ކުދި ގައުމުތަކުގެ ލިސްޓުން ދިވެހިރާއްޖެ އުނިވުމާ ގުޅޭގޮތުން ރީކޯ މޫސަ ދެއްވި ޖަވާބުގައި ވެރިކަމުގެ މަގާމާމެދު އޭނާ ގެންގުޅޭ ސީރިއަސް މިނަށް ބެލުންތެރިން ސުވާލުއުފެދޭ ގޮތްވިއެވެ. ނަމަވެސް ވާހަކަދެއްކުންތެރިކަމާއި ހެއްވާ ބަސްތަކަށް ލެބިގެންދާ ގިނަ ދިވެހީންނަށް ހޮލީވުޑް ސްޓާރުން ފަރާތުން އާންމުކޮށް ފެންނަފަދަ ހިނިތުންވުމާއެކީ ރީކޯ މޫސަ ރޭގައި ފެނިގެންދިޔައީ ވެރިކަމަށް އިސްކުރުމުގެ ގާބިލުކަމާމެދު ގިނަ ބައެއްގެ ހިތުގައި ސުވާލު އުފެދޭ މީހެއް ކަމުގައިވިޔަސް ވަރަށް މަގުބޫލު، މަޖާ މިޒާޖެއްގެ އިޚްލާސްތެރި މީހެއް ގޮތުގައެވެ.

ރޭގެ ޖަލްސާގައި ގ ކެނެރީގޭ މުހަންމަދު ނަޝީދު ފެނިގެން ދިޔައީ އެފަދަ ޑިބޭޓެއްގައި ގިނަ މީހުން އުންމީދު ކުރިގޮތާ ޚިލާފު ގޮތެއްގައެވެ. އޭނާގެ ޖަވާބުތައް، މިވޭތުވެދިޔަ މަހެއްހާ ދުވަސްތެރޭގައި އޭނާ ކުރަމުންދިޔަ ކެންޕޭނުގައި ފަސްދޮޅަސް އެތައް ރަށަކަށް ވަޑައިގެން ދެއްވި ތަގްރީރުތަކުގައި އޭނާ ދެއްކި ވާހަކަތަކާ ގުޅި ލާމެހިފައިވާއިރު އޭނާގެ ރާގުވެސް ކޮންމެސް ވަރަކަށް ހުރީ ލަސްކޮށްކަމުގައި ބައެއްމީހުން ފާހަގަކުރިއެވެ. ނަމަވެސް އޭނާގެ ޖަވާބުތަކުން އޭނާގެ ދުރުވިސްނުމާ ދިވެހިރާއްޖެއާ މެދު އޭނާ ތަސައްވަރެއް ގެންގުޅުއްވާކަމާއި އެ ތަސައްވަރު ވަރަށް ސާފުކޮށް ދައްކަވައި ދެއްވިއެވެ. އަދި އަންނިއާ މެދު ގިނަބައެއްގެ ހިތްތަކުގައި ކުރިން އުފެދިފައިވާ "އެކްޓިވިސްޓް އިމެޖް" ގެ ބަދަލުގައި އޭނާ ރޭގައި ފެނިގެން ދިޔައީ ވަރަށް ފުރިހަމަ ސިޔާސީ ޝަޚުސިއްޔަތެއްގެ ގޮތުގައެވެ. އާންމުކޮށް ސިޔާސީ ބޭފުޅުންގެ ވާހަކަތައް ފުޅާ މިނެއްގައި ހިފަހައްޓާއިރު މުހަންމަދު ނަޝީދު ގެންދިޔައީ އޭނާ ވަރަށް ތަފްސީލުކޮށް ރައްޔިތުންނަށް ކޮށްދެއްވާނެ ދެތިން ކަމެއްގެ ވާހަކަ އިތުބާރާއެކު ތަކުރާރުކުރައްވަމުންނެވެ. ޑރ މުނައްވަރާ ޚިލާފަށް މުހަންމަދު ނަޝީދު ސާބިތުކަމާއިއެކު ހުށަހެޅުއްވީ ވެރިކަމަށް އިތުބާރު ގެއްލިފައިވާ މިފަދަ ދަޑިވަޅެއްގައި ރައްޔިތުންނަށް ހަޖަމުކުރެވޭ އަދި ބަލައިގަތުމަށް ފަސޭހަ އަދި ނިހާޔަތަށް ބޭނުންވާ ކަންތައްތަކެކެވެ. އަދި މުހަންމަދު ނަޝީދުގެ ޖަވާބުތަކަކީ ގިނަ މެމްބަރުންތަކެއް ވަރަށް ފުރިހަމައަށް ބަލައިގަންނާނެ ކަންތައްތަކެއް ކަމުގައި ބައެއް އޮބްޒާވަރުން ދެކެއެވެ.

 

މޮޑަރޭޓަރުންގެ ވާންކަމާއި އެޖެންޑާ އޮބެހެއްޓުން

ބައެއް ފަރާތްތަކުން ހާމަކުރާގޮތުގައި ދިއެފްއެމްއިން ރޭގައި އިންތިޒާމުކުރި އިވެންޓަކީ ކެންޑިޑޭޓުންގެ ތެރޭގައި އޮތް ބަހުސެއްގެ ބަދަލުގައި އެއިވެންޓް އިންތިޒާމްކުރި ދިއެފްއެމްއިން ކެންޑިޑޭޓުންނާ ސުވާލުކުރުމަށް ހިންގި ހަރަކާތެކެވެ. އެ އިވެންޓް ބަހުސަކަށް ވެގެން ނުދިޔުމުގެ އެންމެ ބޮޑު އަސްލަކީ ހޯލްތެރޭގައި ކަންކަން ކޮންޓްރޯލުން ނެއްޓިގެން ހިގައިދާނެކަމަށް ދިއެފްއެމް ގަނެފައިވާ ބިރާއި އެކަމަށް މޮޑަރޭޓަރުންގެ ތަޖްރިބާ ނެތުމާއި ނުފަރިތަކަމުން އެ އިވެންޓް މެނޭޖްކުރުމުގެ އިތުބާރު ނެތުމެވެ. އެތަކެއް އަހަރުގެ ޓީވީއެމް ފޯމެޓުން ނެއްޓުމަކީ މި ދެމޮޑަރޭޓަރުންނަށް އުނދަގޫކަމެއްކަން ފެނިގެންދިޔައެވެ.

މީގެ މަސްތަކެއްކުރިން ޓީވީމޯލްޑިވްސް އިން ފޮނުވަމުންދިޔަ ހޭޔަންބޯ ޝޯ ދިގު މުއްދަތަކަށް ހޯސްޓްކޮށްދެއްވި އިބްރާހީމް ޚަލީލާއި މަސްއޫދުއަލީ އެ އިވެންޓު މޮޑަރޭޓްކުރައްވަމުން ގެންދެވީ ހޭޔަންބޯގެ ކޮންމެވެސް އެޕިސޯޑެއްގައި ފެނިގެންދާފަދަ އިންޓަވިއުއަކާ ދާދި އެއްގޮތަކަށެވެ. ހޭޔަންބޯ ޝޯއަކާ ޚިލާފަށް ރިޔާސީ ތިންކެންޑިޑޭޓުންގެ ތެރޭގައި ފިނިހޫނުމިން ބަދަލުވުމަށް ޖާގަ ނުދިނުމުގެ ސަބަބުން މުޅި އިވެންޓާމެދު ބެލުންތެރިން ކުރަމުންދިޔަ އުއްމީދުތައް ދިޔައީ ފަނުފުލުންނެވެ. މީގެ އެއްނަތީޖާއަކީ، މި ޕްރައިމަރީގައި ވާދަކުރަމުންދާ ކެންޑިޑޭޓުންނަށް ފުރުސަތުތަކެއް ހަނިވެ، އެމީހުންގެ ކުޅަދާނަކަން ނުވަތަ ކެރޭކަމާއި ގާބިލްކަން އާންމުންނަށް ހުށަހަޅާނުލެވުމެވެ.

ރިޔާސީ ޑިބޭޓެއްގައި އާންމުކޮށް ކެންޑިޑޭޓުންނާ އެއްސުވާލެއް ކޮށް އެކަކު ބުނާ އެއްޗަކަށް އަނެކެއްގެ ރައްދު ހޯދާއިރު ރޭގައި ކެންޑިޑޭޓުންނާ މޮޑަރޭޓަރުން ކުރި ސުވާލުތަކަކީ އެކިއެކި ބޭފުޅުންނާމެދު ލޭބަލް ކުރެވިފައިވާ ސިފަތަކަށް ބާރުއަޅާ ވަކިވަކި ސުވާލުތަކެކެވެ. އަދި ޖެހިގެން އަންނަ ސުވާލުތަކާ އެއްވެސް ގުޅުމެއް ނެތި ކުރަމުންދިޔަ ސުވާލުތަކުން ކެންޑިޑޭޓުންގެ ކިބައިގައިވާ ޝަޚުސީސިފަތަކާއި ޑިބޭޓެއްގައި ކެންޑިޑޭޓުންނާ ކުރާ ސުވާލުތަކާ ފާޑުކިޔުންތައް ޕަބްލިކް ފޯރަމްއެއްގައި އެބޭފުޅުން ހަޖަމުކުރާނެގޮތް ފެންނަންޖެހޭ ހިދު އެކަމަށް ފުރުސަތެއް ދެވިފައިނުވާކަން ފާހަގަކުރެވެއެވެ.

ބައެއް ފަރާތްތަކުން ދެކޭގޮތުގައި ދިއެފްއެމްގެ މި އިސްނެގުމަކީ ވިޔަފާރީގެ ފައިދާ ބެލެންސްކޮށް އެ ސްޓޭޝަން މަޝްހޫރުކުރުމުގެ ތަމްރީނެކެވެ. ރޭގެ އިވެންޓް ހިގާދިޔަގޮތް ބެލުމަށް ހޯލްތެރެއަށް ވަދެ ތިބީ 200 ރުފިޔާއަށް ޓިކެޓެއް ގަނެގެން ވަދެ ތިބި މީހުންނާއި ދައުވަތު ދެވިފައިވާ މީހުންނެވެ. ދައުވަތު ދެވިފައިވާ މީހުންގެ ތެރޭގައި އެމްޑީޕީގެ ގައުމީ މަޖިލީހުގެ މެމްބަރުންވެސް ހިމެނެއެވެ.

ދިއެފްއެމްއިން ރޭ އިންތިޒާމްކުރި އިވެންޓު ކޮންޓްރޯލްކުރުމަށް ކުރި މަސައްކަތުގައި ރޭގައި އެންމެ ފާހަގަކޮށްލެވެނީ މީޑިޔާ ކޮންޓްރޯލްކުރުމަށް އަޅާފައިވާ ފިޔަވަޅުތަކެކެވެ. ނޫސްތަކުގައި މަސައްކަތްކުރާ މީހުންނަށް ހޯލްތެރޭގައި ފޮޓޯ ނެގުން މަނާކޮށްފައިވާއިރު ކެމެރާފަދަ ތަކެތި ވެއްދުންވެސް އެފަރާތްތަކަށް މަނާކޮށްފައިވެއެވެ. އަދި އެފަދަ އިވެންޓެއް މީޑިޔާއިން ރިޕޯޓްކުރާއިރު ބަލަންޖެހޭ ކަންކަން ބަލާ ހޯލްތެރޭގެ މޫޑް ފަދަ ކަންކަން ބެލޭނެގޮތް ނޫސްވެރިންނަށް އިންތިޒާމްކުރެވިފައި އޮންނަން ޖެހޭއިރު އެމީހުން އިށީންދެ ތިބޭނެ ވަކިތަނެއްނެތް ހާލުގައި ބެލުންތެރިންގެ ތެރޭގައި ތިބެންޖެހުނީ ގޮޑިއެއްގައި އެމީހުން ބައިތިއްބާފައި ތިބީ ގޮޑިއެއްގައި ގުޑާނުލާ އިނުމަށެވެ.

ރޭގެ އިވެންޓުގެ ބެލުންތެރިންނާ ސުވާލުކޮށްލުމުން ދޭހަވިގޮތުގައި މި އިވެންޓުގެ ސަބަބުން އެމީހުން ކެންޑިޑޭޓުންނާ ދޭތެރޭ ނިންމާފައިވާ ގޮތަކަށް އެއްވެސް ބަދަލެއް ނާދެއެވެ. އެފަރާތްތަކުން ވޯޓުދެއްވާނެ މީހުންވަނީ މާކުރިއްސުރެ ކަޑައަޅާ ނިންމާފައެވެ.

ބައެއް އޮބްޒާވަރުން ހާމަކުރާގޮތުގައި އިދިކޮޅު ފަރާތްތަކުގެ ހަރަކާތްތައް މެނޭޖްކުރުމުގެ ބޭނުމުގައި މައުމޫނަށް ތާއިދުކުރާ ފަރާތްތަކުން މިފަދަ އިތުރު ހަރަކާތްތައް ކުރިއަށް އޮތް މަސްތަކުގައި ބޭއްވުމަކީ އެކަށީގެންވާ ކަމެކެވެ. އިންތިގާލީ ބާބު ރައްޔިތުންގެ މަޖިލީހުގައި ފާސްކުރަމުންދިޔަ އިރު މާލޭގެ މަގުމައްޗަށް ފުލުހުންނާއި ސިފައިން ނެރިގެން މައުމޫނު ހިންގި އޮޕަރޭޝަނަކީވެސް އެފަދަ ހަރަކާތެކެވެ. އޮބްޒާވަރުންގެ މި ކޮމެންޓަށް ރައްދުދޭ ފަރާތްތަކުން ބުނަނީ އެމްޑީޕީގެ އެކްޓިވިސްޓުންގެ ހަރަކާތްތައް އޭގެ އެންމެ ފުލް ޕަވަރުގައި ފެނިގެން އާންމުކޮށް ގޮސްފައި ހުރީ އެކަމަށް އެންމެ ހީނުކުރާ ދަޑިވަޅުތަކުގައެވެ.

ޗެއާރޕާސަން ކަމަށް ހޮވިވަޑައިގެންފިނަމަ ރިޔާސީ ނިޒާމާގުޅޭ ބަދަލުތަކެއް ޕާޓީގެ އޮނިގަނޑަށް ގެންނަވާނެކަމަށް މާރިޔާ ވިދާޅުވެއްޖެ

އިސްމާއިލް

ޗެއާރޕާސަން ކަމަށް ހޮވިވަޑައިގެންފި ނަމަ ރިޔާސީ ނިޒާމާ ގުޅޭ ބަދަލުތަކެއް ޕާޓީގެ އޮނިގަނޑަށް ގެންނަވާނެކަމަށް ދިވެހި ރައްތިތުންގެ ޑިމޮކްރަޓިކް ޕާޓީ (އެމްޑީޕީ)ގެ ގައުމީ ޗެއަރޕާސަން ކަމަށް ވާދަކުރައްވާ، ރައްޔިތުންގެ މަޖިލީހުގެ ކ އަތޮޅު މެމްބަރު މާރިޔާ އަހުމަދު ދީދީ ވިދާޅުވެއްގެއެވެ.

މިއަދު ދަރުބާރުގޭގައި ނޫސްކޮންފަރެންސްގައި ނޫސްވެރިއަކު ދެންނެވި ސުވާލަކަށް ޖަވާބުދެއްވަމުން ޕާޓީގެ ޗެއަރޕާސަންގެ މަގާމަށް ހޮވިވަޑައިގެންފިނަމަށް ކުރައްވާނެ އެންމެ މުހިންމު ކަމެއްކަމަށް މާރިޔާ ވިދާޅުވީ ޕާޓީގެ އެއްބައިވަންތަކަން ދެމެހެއްޓުމަށް މަސައްކަތްތަކެއް ކުރެއްވުން ކަމަށެވެ. އަދި ރާއްޖޭގެ ވެރިކަން ކުރާ ނިޒާމަކީ ރިޔާސީ ނިޒާމެއް ކަމަށް ހަމަޖެހުމުން އެކަމާ ގުޅިގެން ޕާޓީގެ އޮނިގަޑަށްވެސް ބަދަލުތަކެއް ގެންނަވާނެކަމަށާއި، ކުރިއަށް އޮތް ރިޔާސީ އިންތިހާބު ކާމިޔާބު ކުރުމަށް ގިނަ މަސައްކަތް ތަކެއް ކުރައްވާނެ ކަމަށް މާރިޔާ ވިދާޅުވިއެވެ.

މާރިޔާ ވިދާޅުވީ އެމްޑީޕީއަކީ އަވަސް އަވަހަށް ބަދަލުތައް އަންނާނެ ޕާޓީއެއް ނޫންކަމަށާއި، މާރިއާ ޗެއަރޕާސަން ކަމަށް ހޮވިވަޑައިގެންނެވި ނަމަވެސް އެމްޑީޕީގެ ކަންތައްތަކަށް ބަދަލުތަކެއް ނާންނާނެ ކަމަށެވެ. އެހެންނަމަވެސް އެމްޑީޕީފަދަ އެތެރޭގެ ޑިމޮކްރަސީ ހަރުދަނާ ޕާޓީއެއްގެ ޗެއަރޕާސަން ކަން ހަވާލުވާއިރު ވަރަށް ގިނަ ކަންތައްތަކެއް ކުރައްވަން ހުންނާނެކަމަށެވެ

ގައުމީ ޗެއަރޕާސަންއެއް ހޮވަން ބާއްވާ އިންތިހާބު ކާމިޔާބު ކުރެއްވުމަށް މާރިޔާގެ ކުރިއަށް ގެންދެވި ކެމްޕޭނާ ބެހޭގޮތުން މާރިޔާ ވިދާޅުވީ ސިޔާސީ ޕާޓީއެއްގެ އެންމެ ބޮޑު މަގުސަދަކީ އެޕާޓީ ވެރިކަމަށް އައުންކަމަށާއި، އެހެން ވުމުން ރިޔާސީ ޕްރައިމަރީ އޮންނަ ވަގުތެއްގައި އެއިންތިހާބަށް ހިޔަނި އެޅޭގޮތަށް އެއްވެސް ކަމެއްކުރަން ބޭނުންނުވާތީ މަޑުކޮށްލައިގެން ހުންނެވީ ކަމަށެވެ. އެހެން ނަމަވެސް ފޯނުންނާއި އެފަދަ ވަސީލަތްތަކުން ކެމްޕޭން ކުރިއަށް ގެންދެވި ކަމަށް މާރިޔާ ވިދާޅުވިއެވެ.

މާރިޔާ ވިދާޅުވީ ކޮންމެ ކަމަކަށްވެސް ކުރިމަތި ލައްވަނީ އެކަމެއް ކާމިޔާބު ކުރެއްވުމުގެ އުންމީދުގައި ކަމަށާއި، ޕާޓީގެ ޗެއަރޕާސަންކަމަށް އޭނާ ހޮއްވަވައި ދެއްވައިފިނަމަ އެމްޑީޕީގެ ގައުމީ ޗެއަރޕާސަންގެ ހައިސިއްޔަތުން ކުރައްވަން ޖެހިވަޑައިގަންނަވާ ހުރިހާކަމެއް އެންމެ ރަނގަޅަށް ކޮށްދެއްވާނެކަމުގެ ޔަގީންކަން ދެއްވާ ކަމަށެވެ. އަދި ޗެއަރޕާސަންކަމަށް ހޮވިވަޑައިނުގެންނެވި ނަމަވެސް އެމްޑީޕީގެ ހުރިހާކަމެއްގައިވެސް މާރިޔާ ބައިވެރިވެ ވަޑައިގަންނަވާނެ ކަމަށާއި، އެމްޑީޕީގައި މަސައްކަތް ކުރައްވަނީ ހަމައެއްކަނި މަގާމުގެ ހައިސިއްޔަތުން ނޫންކަމަށްވެސް މާރިޔާ ވިދާޅުވިއެވެ.

އެމްޑީޕީގެ ގައުމީ ޗެއަރޕާސަންއެއްގެ ހައިސިއްޔަތުން ޕާޓީގެ އިދާރީކަންތައްތައް ޒިންމާދާރު ގޮތެއްގައި މާރިޔާ ކުރިއަށް ގެންދަވާނެ ގޮތާއި ބެހޭގޮތުން ނޫސްވެރިއަކު ދެންނެވި ސުވާލަކަށް ޖަވާބުދެއްވަމުން ވިދާޅުވީ އިދާރީ ކަންތައްތައް ކުރައްވާނީ ގިނަ ބަޔަކު ބައިވެރިކޮށްގެން ގިނަ ބަޔަކަށް މަސައްކަތް ހަވާލުކޮށްގެންކަމަށާއި، އެހެންނަމަވެސް ހުރިހާ ކަމަކަށްވެސް އަހައްމިއްޔަތު ކަންދެއްވަވާނެ ކަމަށެވެ. އަދި ގިނަ ބަޔަކަށް މަސައްކަތް ހަވާލުކޮށްގެން ކުރިއަށް ދިއުމުގެ ގާބިލުކަން މާރިޔާގެ ކިބައިގައި އެބަހުރި ކަމަށް މާރިޔާ ވިދާޅުވިއެވެ.

އެމްޑީޕީ ޑިބޭޓް: އިއްތިހާދުން އެއްކެނޑިޑޭޓު ނެރުމުގެ މައްސަލާގައި އެމްޑީޕީން ވާދަކުރައްވާ ކެންޑިޑޭޓުންގެ ވިސްނުން ތަފާތުކަން ހާމަވެއްޖެ

އިބްރާހީމް މުޙައްމަދު

އެމްޑީޕީއާއި ސިޔާސީ ބައެއް ޕާޓީތަކުން އެކުލަވާލާފައިވާ އިއްތިހާދުން އެއްކެންޑިޑޭޓަކު ނެރުމުގެ ސިޔާސަތަށް އެމްޑީޕީގެ ތަމްހީދީ އިންތިޚާބުގައި ވާދަކުރައްވާ 3 ކެންޑިޑޭޓުންގެ ވިސްނުން ތަފާތުކަން، ބުދަދުވަހުގެރޭ ދަރުބާރުގޭގައި ދިއެފްއެމްއިން އިންތިޒާމްކޮށް ބޭއްވި ބަހުސްއިން ހާމަވެއްޖެއެވެ. ޓެލެވިޒަމް މޯލްޑިވްސްއާއި ދިއެފްއެމްއިން ވަގުތުން ދުރަށް ފޮނުވި މި ބަހުސްގައި ކެންޑިޑޭޓު މުހައްމަދު ނަޝީދު އަންނި ވިސްނުންފުޅު ހުރީ ރިއާސަތަށް އެމްޑީޕީ އައުމަށްވުރެ ރިއާސަތަށް ބާރުފޯރުވާ އެހެން މުއައްސަސާތަކުގައި އެމްޑީޕީގެ ބާރު އޮތުން މާމުހިންމުކަމަށް ފެނިވަޑައިގަންނަވާ ގޮތަކަށެވެ.

"އަޅުގަޑުމެން ކުރިމައްޗަށް އެބައާދެއޭ ރައްޔިތުންގެ މަޖިލީހުގެ 74 ގޮނޑީގެ އިންތިހާބާ، އަދި ލޯކަލް ކައުންސިލް އަތޮޅު ކައުންސިލްތަކާ ރަށު ކައުންސިލްތަކުގެ އިންތިހާބު އިސްލާހުކުރެވޭ ގާނޫނުއަސާސީގައި ސީދާ ސިޔާސީ ވާދަވެރިކަންހުރީ ހަމައެކަނި ރިޔާސަތުގައެއްނޫން އެމްޑީޕީއަކީ ހިކްމަތްތެރި ޕާޓީއެއް އެމްޑީޕީއަށް މިމަގާމަށް އަޅުގަޑުމެންނަށް އާދެވިފައިމިވަނީ މިވިސްނުމުގަ އަޅުގަޑުމެން މަސައްކަތްކުރީތީވެ، އަޅުގަޑުމެން ޖެހޭނެ އަޅުގަޑުމެންގެ ހިކްމަތްތެރިކަމުން އަދިހަމަ އިތުރު މަރުހަލާއެއް ގެންނަން" އަންނި ވިދާޅުވިއެވެ.   

ޑރ.މުޙައްމަދު މުނައްވަރު ވިދާޅުވީ އަންނަ ރިޔާސީ އިންތިހާބެއްގައި އިއްތިހާދުގެ ފަރާތުން އެއްކެނޑިޑޭޓު ތަމްސީލުކުރަން އެމްޑީޕީ ރުހޭ ކަމަށެވެ. މިސިޔާސަތަށް އެމްޑީޕީ ތާއީދުކުރާކަމަށާއި އެހެން ޕާޓީއެއްގެ ނުވަތަ މުސްތަޤިއްލު ފަރާތެއްވެސް އިއްތިހާދުގެ ފަރާތުން ނެރެން އެމްޑީޕީ ހުރީ ތައްޔާރަށްކަމަށް ޑރ.މުނައްވަރު ވިދާޅުވިއެވެ.

"އިއްތިހާދުގެ ފަރާތުން އެއްކެނޑިޑޭޓަކު ނަގާހާލަތެއްގައި އެ މީހަކީ އެމްޑީޕީން ނެރޭ ކެނޑިޑޭޓަކު ކަމުގައި ނުވެއްޖެނަމަ އެއީ ހަމަކަށަވަރުންވެސް އެމްޑީޕީއަށް ލިބޭ ނާކާމިޔާބެއް ކަމުގައި ދެކެން" ޑރ.މުނައްވަރު ވިދާޅުވިއެވެ. "ދޫދިނުމަކީ އަޅުގަނޑުމެންނަށް ލިބޭ ނާކާމިޔާބީއެއް ކަމަށް ދެކޭނަން"

ނަމަވެސް އެމްޑީޕީގެ އަމާޒަކީ މިހާރުގެ ރައީސް މައުމޫނު އަބްދުލް ޤައްޔޫމް ވެރިކަމުން ދުރުކުރުންކަމަށާއި މިސަބަބަށްޓަކައި އިއްތިހާދުން ނެރޭ ކެންޑިޑޭޓަކަށް ތާއީދުކުރައްވާނެކަމަށް ޑރ.މުނައްވަރު ވިދާޅުވިއެވެ.

"އަޅުގަނޑުމެން ނިކުތީ މައުމޫނުގެ އަނިޔާވެރި ވެރިކަން ނިންމުމަށް" ޑރ.މުނައްވަރު ވިދާޅުވިއެވެ.

މިގޮތުން އަންނަ ނޮވެމްބަރ 11 ގައި ރައީސުލްޖުމްހޫރިއްޔާ ކަމުގެ މަޤާމަށް ހުވާކުރައްވާނީ އެމްޑީޕީ ޝާމިލުވާ އިއްތިހާދުގެ ވެރިއެއްކަމަށް ޑރ.މުނައްވަރު ވާހަކަ ނިންމަވާލައްވަމުން ވިދާޅުވިއެވެ.

މޫސާ މަނިކު (ރީކޯ) ވިދާޅުވީ މިގައުމުގައި ޑިމޮކްރަސީ ޤާއިމްކުރަން އެންމެ ބޮޑު މަސައްކަތެއް ކުރި ފަރާތަކީ އެމްޑީޕީއެވެ. އަދި ރައީސް މައުމޫނު ވެރިކަމުން ދުރުކުރުމަށް އެމްޑީޕީން ގިނަ މަސައްކަތްތެއް ކުރިކަން ފާހަގަކުރެއްވިއެވެ. މި ސަބަބަށްޓަކައި އެމްޑީޕީއަށް ވެރިކަން ލިބެންޖެހޭނެކަން ޤަބޫލުކުރައްވާ ކަމަށް ރީކޯ މޫސަ ވިދާޅުވިއެވެ.

"އަޅުގަނޑު ދެކޭގޮތުގައި އެމްޑީޕީ ތަބަކަށްލައިގެން ނިކުމެ އެމްޑީޕީގެ އެތަށްބަޔަކު ވީ ގުރުބާނީއެއް، އަޅުގަނޑުމެން މާދުރުން އަންނަމީހަކަށް ހަދިޔާއަކަށް ނުދެވޭނެ" ރީކޯ މޫސަ ވިދާޅުވިއެވެ. "އޭގެ މާނައަކީ އެމްޑީޕީއަށް ދިވެހިރާއްޖޭގެ ވެރިކަންވެސް ލިބެންޖެހޭނީ"

މިހާރު ސަރުކާރުގެ ކެބިނެޓުގައި ހިމެނިވަޑައިގަންނަވާ އެއްވެސް ބޭފުޅަކަށް އެމްޑީޕީގެ ވެރިކަމެއްގެ އެއްވެސް ކަހަލަ ފުރުސަތެއް އޮންނާނެތޯ މޮޑަރޭޓަރ ސުވާލުދެންނެވުމުން ކެންޑިޑޭޓު މުހައްމަދު ނަޝީދު އަންނި ވިދާޅުވީ އެމްޑީޕީގެ އަސާސީ ޤަވާއިދުގެ އެކަމަކަށް ތަންނުދޭ ކަމަށެވެ. އަދި އެމްޑީޕީގެ ވެރިކަމެއްގައި ކެބިނެޓުގައި ހިމެނޭނީ އެޕާޓީގެ ހިޔަނި ކެބިނެޓުގެ ވަޒީރުންކަމަށް އަންނި ވިދާޅުވިއެވެ.

"ވަޒީރުންގެ މަޖިލިސްގެ ގޮތުގައި މެމްބަރުންގެ ގޮތުގައި ތިއްބަވާނީ ޕާޓީގެ ވަޒީރުންގެ މަޖިލިހުގެ މެމްބަރުން. ޕާޓީގެ ހިޔަނި ވަޒީރުންގެ މަޖިލިހުގެ މެމްބަރުން" ނަޝީދު ވިދާޅުވިއެވެ. "އަޅުގަނޑުމެންގެ ޕާޓީގެ އަސާސީ ޤަވާއިދު ތަނެއް ނުދޭ އެނޫންގޮތަކަށް އަޅުގަނޑުމެންގެ ވަޒީރުންގެ މަޖިލިސް އެކުލަވާލާކަށް"  

ރޭގެ ބަހުސް ފެނިގެން ދިޔައީ ރާއްޖޭން ބޭރުގެ ރިޔާސީ ޕްރައިމެރީސްގައި ވާދަދަކުރައްވާ ކެނޑިޑޭޓުންގެ މެދުގައި ބޭއްވޭ ބަހުސްތަކާއި ހިލާފަށް ފޯރިގަދަކަން ކުޑަ ބަހުސެއްގެ ގޮތުގައެވެ. މިގޮތުން އިންތިހާބުގައި ވާދަކުރައްވާ ޑރ.މުނައްވަރާއި ރީކޯ މޫސަ އަދި ނަޝީދު އެއްބޭފުޅަކު އަނެއް ބޭފުޅަކާއި ރައްދުދެއްވުމުގެ ރޫހު ގެންގުޅެފައި ނުވާކަން ފާހަގަކުރެވުނެވެ. މިސަބަބަށްޓަކައި ވާހަކަ ދެއްކެވި ކެންޑިޑޭޓަށް ރައްދުދިނުމަށް ދެވޭ 30 ސިކުންތުގެ ފުރުސަތުގެ ބޭނުން ހިފުމަށް މި ބަހުސްގެ މޮޑަރޭޓަރުންގެ ގޮތުގައި ހަރަކާތްތެރިވި ދިއެމްއެމްގެ އިބްރާހީމް ޚަލީލާއި މަސްޢޫދު ޢަލީ ތަކުރާރުކޮށް އެދިވަޑައި ގަތެވެ. ނަމެވެސް ދޮޅުގަޑިއިރަށް ދެމިގެން ދިޔަ މި ބަހުސްގައި ބޮޑަށް ފެނިގެން ދިޔައީ ވަރަށް މަދު ފަހަރެއްގައި މެނުވީ އެއްކެނޑިޑޭޓުން އަނެއް ކެނޑިޑޭޓެއްގެ ވިދާޅުވާ އެއްޗަކަށް ތާއީދުކުރައްވާ މަންޒަރެވެ.