މިހިނގާމަހު މާލޭގައި ހިންގި ސިލްސިލާ މާރާމާރީގެ ތަފާތު 3 މައްސަލައަކާ ގުޅިގެން ފުލުހުންގެ ބެލުމުގެ ދަށަށް ގެނެވުނު 12 މީހެއްގެ މައްސަލައިގެ ތަޙްޤީޤް މަރުހަލާ ނިމި އެޓާރނީ ޖެނެރެލްގެ އޮފީހަށް ބުދަދުވަހު ފޮނުވައިފިކަމަށް ފުލުހުން ބަޔާންކޮށްފިއެވެ. އޭގެ ތެރޭގައި އުމުރުން 18 އަހަރުން ދަށުގެ 3 ކުއްޖެއް ހިމެނެއެވެ.
ފުލުހުން ބުނަނީ މާލެތެރޭގައި ފަހަކަށް އައިސް ހިންގާ ގްރޫޕް މާރާމާރީއާ ވިދިގެން ހައްޔަރުކޮށްފައިވާ 52 މީހަކު ފުލުހުންގެ ބެލުމުގެ ދަށުގައި މިހާރުވެސް އެބަތިބިކަމަށެވެ. އޭގެ ތެރޭގައި އުމުރުން 18 އަހަރު ނުފުރޭ 4 ކުދިން ހިމެނެއެވެ. އަދި 18 އަހަރުގެ 11 ކުއްޖަކާއި 19 އަހަރާ 38 އަހަރާ ދެމެދުގެ 37 މީހަކު ހިމެނޭކަމަށް ފުލުހުން ބުނެއެވެ.
މިއެންމެނަކީވެސް މާރާމާރީގެ ތަފާތު 22 މައްސަލައަކާ ގުޅިގެން ފުލުހުންގެ ބެލުމުގެ ދަށަށް ގެނެވިފައިވާ މީހުންކަމަށްވެއެވެ.
މިމައްސަލަތަކުގައި މާރާމާރީ ހިންގުމަށް ބޭނުންކުރުމަށް ތައްޔާރުކޮށްފައިހުރި ގިނަ އަދަދެއްގެ ލަކުޑިބުރިތަކާއި، ދަނގަޑުބުރިތަކާއި ތޫނު ހަތިޔާރާއި މާސްކް ފަދަ ތަކެތި ފުލުހުން އަތުލާފައިވެއެވެ.
No comments:
Post a Comment