ދުވަހު ނޫސް ހަވީރުގެ މެނޭޖްމަންޓުގެ ފަރާތުން ހިންގާ އެފްއެމް ރޭޑިއޯ ސްޓޭޝަނެއްކަމަށްވާ އެޗްއެފްއެމް 92.6 ގެ ޕްރޮގްރާމްތައް މިއަދު ހެންދުނު 7:00 ފަށައިގެން ކުރިއަށް ގެންދަން ފަށައިފިއެވެ.
އެޗްއެފްއެމް ރޭޑިއޯ ޗެނަލުން ހާމަ ކުރާގޮތުގައި މިއަދު ހެނދުނު 7:00 ފެށިގެން 9:45 އެޗެނަލްގެ "އެޗްއެފްއެމް ހެނދުނު" ކިޔާ ޕްރޮގްރާމެކެވެ. އަދި މިޕްރޮގްރާމް ހުށަހަޅައިދިނީ މަދީހާ އިބްރާހިމާއި އިމާދު ލަތީފް ކަމަށާއި، އަދި މެހެމާނެއްގެ ގޮތުން ހަވީރުގެ އެޑިޓަރު އަލީ ރަފީގުވެސް ބައިވެރިވެ ވަޑައިގެންނެވިކަމަށް އެޗަނަލުން މައުލޫމާތު ދެއްވައެވެ.
މިއަދު ލޯންޗްކުރެވުނު މިޗެނަލަށް ބްރޯޑްކާސްޓް ކުރުމުގެ ހުއްދަ ދީފައިވަނީ ފެބްރުއަރީމަހު 21 ވަނަ ދުވަހުއެވެ. އަދި މިދިޔަ މަހު 5 ވަނަދުވަހުން ފެށިގެން އެޗެނަލްގެ ޓެސްޓް ސިގްނަލްތައް ދޭންފެށިއެވެ. ޗެނަލުން މައުލޫމާތު ދޭ ގޮތުގައި މިޗެނަލަކީ 24 ގަޑިއިރު އޮޕަރޭޓް ކުރާ ޗެނަލެކެވެ.
ރާއްޖޭގައި ބްރޮޑްކާސްޓް ކުރުމުގެ މިނިވަންކަން އާއްމު ފަރާތްތަކަށް ދިނުމާއެކު ހަބަރާއި މައުލޫމާތު ފޮނުވައިދޭ ގިނަ ޗެނަލްތަކެއްވަނީ ތައާރަފް ވެފައެވެ.
No comments:
Post a Comment