ރާއްޖޭގައި ފުރަތަމަ ފަހަރަށް ކަނޑުއަޑިން ނަގާ ފެނުން ހަކަތަ އުފައްދާ ކޫލިން ސިސްޓަމެއް ރާއްޖޭގެ ފަސްތަރީގެ ރިސޯޓެއް ކަމުގައިވާ ސޮނެވާފުށީ ރިސޯޓުން ތައާރަފް ކުރުމުގެ މަސައްކަތް ފަށައިފިއެވެ. މިއީ ތިމާވެއްޓާ ރައްޓެހި ގޮތަކަށް ފަރުމާކުރެވޭ ސިސްޓަމަކަށް ވެގެންދާނެކަމަށް އެރިސޯޓުން ބުނެއެވެ. ސޮނެވާފުށީ ރިސޯޓުން ބުނީ މިސިސްޓަމުން ހަކަތަ އުފެއްދުމަށްޓަކައި ކަނޑުގެ 300 މީޓަރު އަޑިޔަށް ހޮޅި ފެއްތޭނެކަމުގައެވެ. އެއްމިލިޔަން ޑޮލަރު ހަރަދުކޮށްގެން ހަދާ މިސިސްޓަމަކީ މުޅިދުނިޔޭގައިވެސް ކަނޑުގެ މިހާފުންމިނުން ހަކަތަ އުފެއްދުމަށް ހިންގޭ ފުރަތަމަ ޕްރޮޖެކްޓްކަމަށްވެސް އެރިސޯޓުން ބުނެއެވެ.
ސޮނެވާފުށީގެ ލައިފް މެނޭޖަރ މުހައްމަދު ވަހީދު ދިވެހިރާއްޖޭގެ އަޑަށް ދެއްވި އިންޓަވިއުއެއްގައި ވިދާޅުވީ މިސިސްޓަމުން ނަގާލޮނުން އުފައްދާ ހަކަތަ މަސައްކަތްކުރާނީ ރިސޯޓްގެ ކޮޓަރިތަކުގެ އެއާކޯން ސިސްޓަމެއްގެ ގޮތަށް ކަމަށާއި، މިސިސްޓަމްގެ ސަބަބުން ސޮނެވާފުށީގައި މިހާރު ކަރަންޓުން އުފައްދާ ހަކަތައިގެ 30 އިންސައްތަ ދަށްކުރެވޭނެކަމުގައެވެ. ތިމާވެއްޓާ ރައްޓެހި ގޮތަކަށް ފަރުމާކޮށް ހިންގަމުންގެންދާ ސޮނެވާއިން ފާއިތުވި 9 އަހަރު ތިމާވެށި ހިމާޔަތް ކުރުމުގެ މަޤްސަދުގައި ތަފާތު އެކިއެކި ހޭލުންތެރިކަމުގެ ޕްރޮގްރާމް ހިންގާ ތިމާވެށީގެ ރޮނގުން ގައުމީ އަދި ބައިނަލްއަޤްވާމީ އެތައް އެވޯޑެއް ހާސިލްކޮށްފައިވެއެވެ. އެރިސޯތުން ބުނީ މިފަހަރު މިގާއިމް ކުރެވޭ ސިސްޓަމް މިއަހަރުގެ ނިޔަލަށް މުޅިން ނިމޭނެކަމަށާއި އަދި ރިސޯޓްގެ އެންމެ ބޮޑު އަމާޒަކީ ޖައްވަށް ބޭރުކުރެވޭ ވިހަގޭސް މުޅިން ހުއްޓާލުންކަމުގައެވެ.
1 comment:
This is not the first project in the world. The first commercial deep seawater air-conditioning system was opened for business at the Intercontinental Resort and Thalasso Spa, Bora Bora, French Polynesia on may 1st 2006.The project was designed by Makai Ocean Engineering, Inc. of Hawaii. please visit www.clubdesargonautes.org/actualites/images/borabora.pdf
http://www.i-sis.org.uk/DeepWaterEnergy.php it says there is risk of ocean warming.
Post a Comment