އަބްދުއްރަހްމާން
ސިވިލް ސަރވިސްގެ މުއައްޒަފުންގެ ތެރެއިން އުމުރުން ދުވަސް ވުމުގެ ސަބަބުން ވަޒީފާއިން ވަކި ކުރެވޭ މުއައްޒަފުންނަށް ދޭންޖެހޭ އިނާޔަތާއި ފައިސާއާބެހޭ ތަފްޞީލް ހުރިހާ އެންމެނަނަށް އަންގާ ނިމިފައިވާކަމަށް ސިވިލްސަރވިސް އިން ބުނެފިއެވެ.
ދިވެހި ސިވިލް ސަރަވިސް ކޮމިޝަނުން ބުރާސްފަތިދުވަހު ބުނީ މިފައިސާ ދޫކުރަން ހަމަޖެހިފައިވަނީ ޕެންޝަން ފައިސާ ދޫކުރާއުޞޫލާ އެއްގޮތަކަށް ކަމުގައެވެ. ދިވެހިރާއްޖޭގެ އަޑަށް މައުލުމާތު ދެއްވަމުން ސިވިލް ސަރވިސްގެ މެންބަރު މުޙައްމަދު ފަހުމީ ޙަސަން ވިދާޅުވީ، އުމުރުން ދުވަސްވުމުގެ ސަބަބަބުން ވަޒިފާއިން ވަކި ކުރަންޖެހޭ އެންމެންނަށް ވަޒީފާއިން ވަކިވާކަމާއި ވަކިވާއިރު، ލިބޭނެ އިޔާޔަތްތަކުގެ ތަފްޞީލް ކޮންމެ މީހަކަށް ވަކި ވަކިން އަންގަވާފައިވާކަމުގައެވެ. މިކަން އަންގަވައި ފޮނުއްވި ލިޔެކިޔުންތައް ފޮނުއްވީ އެމީހަކު ވަޒީފާ އަދާކުރާ މަސްއޫލު އޮފީސް ތަކަށް ކަމުގައެވެ.
އުމުރުން ދުވަސްވުމުން ވަޒީފާއިން ވަކިކުރެވޭ މީހުންނަށް އެއްފަހަރާ، ގަނޑުކޮށް ދޭ އެލަވަންސަކާއި، ދާއިމީ ކޮށް މަހުން މަހަށް ދޭ އެލަވަންސެއް ހަމަޖެހިފައިވެއެވެ. އުމުރުން ދުވަސްވުމުގެ ސަބަބުން 1700 އެއްހާ މީހުންވަޒީފާއިން ވަކި ކުރަންޖެހިފައިވާކަން ސިވިލްސަރވިސ ކޮމިޝަނުންވަނީ ހާމަ ކުރާއްވާފައެވެ.
No comments:
Post a Comment