އިބްރާހީމް މުޙައްމަދު
މިދިޔަ ޑިސެމްބަރުމަހުގެ 2 ވަނަ ދުވަހު ހ.ކުބުރާ އަލީ އިޝްހާރަށް (ޗޯޓޭ) ހަމަލާދީ މަރާލި ކަމަށް ތުހުމަތު ކުރެވޭ 5 މީހެއްގެ މައްސަލަ މޯލްޑިވްސް ޕޮލިސް ސަރވިސްއިން އެޓަރނީ ޖެނެރަލްގެ އޮފީހަށް ހުށަހަޅައިފިއެވެ. އެޓަރނީ ޖެނެރަލް އޮފީހުގެ ޑިރެކްޓަރ ޖެނެރަލް ހުސައިން ޝަމީމް ވިދާޅުވީ މިމީހުންގެ މައްސަލަ ހުށަހަޅާފައިވަނީ މިމަހު 20 ވަނަ ދުވަހުގައި ކަމަށެވެ.
"އަޅުގަނޑުމެން މިމައްސަލަ ކޯޓަށް ހުށަހެޅުމުން ނަންތައް ހާމަކުރާނަން" ޝަމީމް ވިދާޅުވިއެވެ.
އިޝާރު މަރާލި މައްސަލައިގައި ފުލުހުން ތުހުމަތުކުރާ 5 މީހުންނަކީ ގދ.ގައްދޫ ތިންފިޔަ މުޙައްމަދު އަހުސަން (އަހޫ) 24، ހއ.ހޯރަފުށީ ރަހުމާނީހިޔާ ޝިފާއުﷲ އަބްދުލް ވާހިދު (ޝިފާ) 25، ސ.މީދޫ ގުލްޝަން މިނަން ރަޝީދު (ފިނދަނަ) 22، ހ.ހަންޑްރެޑް ފްލާވާސް ހުސައިން ރަޒީނު (ރަބަރޭ) 21، އަދި 17 އަހަރުގެ ފިރިހެން ކުއްޖެކެވެ.
މޯލްޑިވްސް ޕޮލިސް ސަރވިސްގެ މީޑިޔާ ކޯޑިނޭޓަރ ލާންސް ކޯޕްރަލް އަޙްމަދު ނާފިއު ވިދާޅުވީ މި މައްސަލައާ ގުޅޭގޮތުން ބާއްވާ ނޫސްވެރިންގެ ބައްދަލުވުމުގައި މައުލޫމާތުތައް ހާމަކުރެވޭނެކަމަށެވެ.
No comments:
Post a Comment