އަބްދުއްރަހްމާން
މިއަހަރު ޙައްޖާއި އުމުރާއަށް ދިޔުމަށް ހައްޖުއުމުރާ ޖަމާއަތްތަކަށް ދައްކާފައިވާ ފައިސާގެ އިތުރަށް ފައިސާ ނަގަން ޖެހިދާނެކަމަށް ޙައްޖާއި އުމުރާއަށް މީހުންގެންދާ ބައެއް ޖަމާއަތްތަކުން ބުނެފިއެވެ. ދިވެހިރާއްޖޭގެ އަޑަށް މައުލުމާތު ދެމުން ބައެއް ގުރޫޕްތަކުން ބުނީ މިކަން މިގޮތަށް ކުރަންވިސްނީ މައްކާގެ ޚިދުމަތްތަކާ ހޮޓާތަކުގެ އަގު މިފަހުން ބޮޑުތަން އަނެއްކާވެސް މައްޗަށް ދިޔުމާގުޅިގެން ކަމުގައެވެ. އަދި ޙަރަމް ފުޅު ހިމެނޭ ސަރަޙައްދު ބޮޑު ކުރުމާގުޅިގެން ދުރު ހިސާބުތަކުން ހޮޓާތައް ލިބުމާ ދަތުރު ފަތުރުގެ އަގުތައް ބަދަލު ވެފައިވާކަމަށްވެސް ބައެއް ޖަމާއަތްތަކުން ބުނެއެވެ. ބައެއް ހައްޖު ގުރޫޕް ތަކުން ބުނަނީ މިހާރު ފައިސާ ދައްކާފައިވާ މީހުންގެ އަތުން އިތުރަށް ފައިސާ ނެގުމަށް ފައިސާ ދައްކާފައިވާ މީހުންނާއެކު، ދެތިން ދުވަހުގެ ތެރޭ މަޝްވަރާ ކުރާނެކަމުގައެވެ.
No comments:
Post a Comment