އިސްމާއިލް
މާލޭގައި މިހާރު ކުރިއަށްދާ ސިލްސިލާ މާރާމާރީތަކުގައި ބައިވެރިވާ ފަރާތްތައް ހޯދުމުގެ ނަމުގައި ހިންގާ ހަރަކާތުގައި ރޭ 14 ކުޑަކުއްޖަކު ހައްޔަރުކޮށް، އެކުދިންނާ މެދު ވަރަށް އިހާނެތިކޮށް އަމަލު ކުރަމުންދާކަމަށް އެކުދިންގެ ބެލެނިވެރިން ބުނެފިއެވެ.
ފުލުހުން ހައްޔަރު ކުރިކުދިންގެ ތެރޭގައި ހިމެނޭ ދަރުމަވަންތަ ސްކޫލުގެ ގްރޭޑް 8 ގައި ކިޔަވަމުންދާ އުމުރުން 13 އަހަރުގެ ކުއްޖެއްގެ މަންމަ ކިޔައިދިނެވެ. "އަޅުގަނޑުގެ ދަރިފުޅު އިއްޔެ ހަވީރު 4 ޖެހިއިރު އާޓިފިޝަލް ބީޗަށް ދިޔައީ ބާސްކެޓް ކުޅެން. އެކުއްޖާ ބަލައި އަށެއް ޖަހާކަންހާއި ކުޅޭތަނަށް ދިޔައިރު ކުޅޭ ދަނޑުގަ ހުރިހާ ކުދިން ތިބި. އަޅުގަނޑު ދިޔާމަ ބުނީ މަންމާއޭ އިރުކޮޅަކުން މިދައީއޭ. އެހެންބުނީމަ އެހެން ބުނީމަ އަޅުގަނޑު އައީގެއަށް. ގެއަށް އައިތަނާ ވިލީ ފުލުހުން އަޅުގަނޑަށް ގުޅާފަ ބުނީ ދަރިފުޅު ވެއްޖެއޭ މިހާރު ވިލީ ފުލުހުގަ. އަޅުގަނޑު އަހައިފިން ކޮން މައްސަލައެއްގައިހޭ؟ އެމީހުން ބުނީ ކޮންމެވެސް މައްސަލައެއްގައޭ. ބެލެނިވެރިޔާ ދުރުވިއްޔާ ވަރަށް ރަނގަޅޭ. އަޅުގަނޑު އެތަނަށް ދިއުމުން އަޅުގަނޑާ ދަރިފުޅާ ވައްދާ ބަޔާންނެގީ. އަޅުގަނޑުގެ ދަރިފުޅުބުނީ އެމީހުން ކުޅެނިންމާލާފައި އެތާ މަޑުކޮށްލައިގެން ތިއްބާ ފުލުހުންގެ ޖިޕު އައުމުން އެކުދިންގެ ތެރޭގައި ހުރި ކުއްޖަކު ދުއްވައިގަތުމުން ފުލުހުންއައިސް އެއްވެސް ސުވާލެއް ނުކޮށް އެކުދިންތައް ޖިޕަށް ލައިގެން ވިލީ ފުލުހަށް ގެންދިޔައީ" ކަމަށެވެ.
އެކުއްޖާގެ މަންމަ ބުނީ އޭނާ ވިލީ ފުލުހަށް ގެންގޮސް ބަޔާން ނެގުމަށް ފަހު 12:00 ޖަހަންދެއް ބޭންދިކަމަށާއި، އަދި އެތަނުގައި ލަސްވާތީ އެކަމާ ސުވާލުކުރުމުން އެކުދިން ހައްޔަރު ކޮށްފައި އެތިބީ މާރާމާރީ ހިންގަން އުޅުމުގެ ތުހުމަތުގައި ކަމަށް ފުލުހުން ބުނިކަމަށެވެ. އަދި މިއަދު ހެނދުނު ދޫކޮށްލާނެ ކަމަށްބުނެ އެހެން ނަމަވެސް އެކުއްޖާގެ މަންމަ މިނިވަނަށް މެންދުރުފަހު މައުލޫމާތު ދިންއިރުވެސް އެކުދިން ދޫނުކުރާކަމަށާއި، އަދި ބައްދަލު ކޮށް ނުދިންކަމަށްވެސް އެކުއްޖާގެ މަންމަ ބުންޏެވެ.
އެކުއްޖާގެ މަންމަ ބުނީ ފުލުހުން އެކުދިން ހައްޔަރު ކުރުމަށްފަހު އެކުދިންނާއި މެދު އަމަލުކުރަނީ ވަރަށް އިހާނެތިކޮށް ކަމަށާއި އެގޮތުން މިއަދު ހެނދުނު ފޯނުން ގުޅުމުން އެކުއްޖާ ބުނީ އެކުދިން ބަނޑުހައިވެގެން ކާންއެދުމުން ދިނީ އެންމެ ރޮށްޓަކާ ރިހަ ކޮޅެއް ކަމަށެވެ.
ފުލުހުން ހައްޔަރުކުރި ކުދިންގެ ތެރޭން އެހެންކުއްޖެއްގެ މަންމަ މިނިވަނަށް މައުލޫމާތު ދެމުން ބުނީ އޭނާގެ ދެދަރިން ހައްޔަރު ކުރީ ރޭ 8 ޖަހާކަންހާއިރު ކާނިވަލް ކައިރީގަ ރައްޓެހި ކުއްޖަކާ ވާހަކަދައްކަންތިއްބައިކަމަށެވެ. އަދި އެދެކުދިންގެ މަންމަ ބަޔާން ނަގަން ވިލީ ފުލުހަށް ގެންގޮސް، ފުލުހުން އޭނާއާ މެދު އަމަލުކޮށްފައިވަނީ ވަރަށް ބޭއަދަބީ ގޮތަކަށް ކަމަށާއި، އަދި ފުލުހުން މަލާމާތްކޮށް ހެދި ކަމަށްވެސް އޭނާ ބުންޏެވެ.
މިކާމާ ގުޅިގެން ފުލުހުންގެ ވެބަސައިޓުގައި ޝާއިރުކޮށްފައިވަނީ "ލިބުނު މަޢުލޫމާތަކާއި ގުޅިގެން އާރޓިފިޝަލް ބީޗް ސަރަހައްދަށް ފުލުހުން ދިއުމުން މާރާމާރީ ހިންގުމަށް ތައްޔާރުވަމުން ދިޔަކަމަށް ތުހުމަތުކުރެވޭ މީހުން ވަނީ ދުވެ ފިލަންވެސް މަސައްކަތް ކޮށްފައެވެ. ނަމަވެސް އެހުރިހާކުދިންވެސް ވަނީ ހައްޔަރުކުރެވިފައި" ކަމަށެވެ.
No comments:
Post a Comment