އަބްދުއްރަހްމާން
އަންހެން ކުއްޖެއްގައިގައި ކަޓަރު އަޅާ މާރާމާރީ ހިންގަން އުޅުނު ކަމަށް ތުހުމަތުކުރޭވޭ މީހަކު ސިފައިން ރޭ ހައްޔަރުކޮށްފިއެވެ. މީނާ ހައްޔަރުކޮށް ބަލާ ފާސްކުރުމުގެ ތެރޭ މީނާ އަތުން ވަގަށްނާގައިފައިވާ ތިން ޕާސްޕޯރޓް ފެނިފައިވާކަމަށްވެސް ސިފައިން ބުނެއެވެ. އެހެންނަމަވެސް މީ ކާކުކަމެއް އަދި މީނާ މި މާރާމާރީ ހިންގަން އުޅުނީ ކޮންތާކުކަމެއް އެމްއެންޑީއެފްއިން ބަޔާންކޮށްފައެއް ނެތެވެ. މާލެތެރޭ ހިންގާ މަރާމަރީތައް ހުޢްޓުވުމަށް ސިފައިން ހިންގާ ހާއްސަ އޮޕރޭޝަންގައި ވޭތުވެދިޔަ 24 ގަޑިރުތެރޭވެސް ދެމީހަކު ތޫނު ހަތިޔާރާއެކު ސިފައިން ހައްޔަރުކޮށްފައިވެއެވެ. މި އޮޕރޭޝަނަށް ހަފްތާއެއްވީ އިރު ހައްޔަރުކުރި މީހުންގެ އަދަދު މިހާރުވަނީ 63 އަކަށް އަރާފައެވެ. މީގެ ތެރެއިން 7 މީހުން އިތުރު ތަހްގީގަށް ފުލުހުންނާއި ހަވާލްކޮށްފައިވާއިރު ދެން ބާކީ ތިބި އެންމެންވަނީ ނަސޭހަތްދިނުމަށް ފަހު ދޫކޮށްލާފައިކަމަށް ސިފައިންބުނެއެވެ. ނަސޭހަތްދިނުމަށްފަހު ދޫކޮށްލާ މީހުންގެ ހަރަކާތްތައް ބާލަ މޮނީޓަރ ކުރާކަމަށް ސިފައިންބުނެއެވެ.
މިމަހުގެ 4 ވަނަ ދުވަހުގެރޭ ހިނގި މާރާމާރީއެއްގައި ސީރިއަސް ޒަހަމްތަކެއްވި 14 އަހަރުގެ ކުއްޖާ ކޯމާއެއްގައި އޮންނަތާ ހަތްދުވަސްފަހުން މިދިޔަ ހުކުރު ދުވަހުގެރޭވަނީ މަރުވެފައެވެ. މިދިޔަ އަހަރު ފަހު ކޮޅުވެސް މާލެތެރޭ ހިނގި ނުރައްކާތެރި މާރާމާރީއެއްގައި ޒަހަމްވި 22 އަހަރުގެ އަލީ އިޝްހާރުވެސް ވަނީ ފަރުވާ ދެމުންދަނިކޮށް މަރުވެފައެވެ.
No comments:
Post a Comment