އިންތިޤާލީ ބާބުގައި ޤާނޫނު އަސާސީއަށް އަމަލުކުރަން ފެށުމުން މިހާރު އަމަލުކުރަމުންދާ ޤާނޫނު އަސާސީ އުވޭނެކަމަށް ޑީއާރުޕީ މެންބަރުން އާދީއްތަދުވަހު ފާސްކުރުމާ ވިދިގެން ދެން އަންނަ ރިޔާސީ އިންތިޚާބުގައި ރައީސް މައުމޫނަށް ކުރިމަތިލެވޭނެކަން ކަށަވަރު ވެއްޖެކަމަށް ޑީއާރުޕީން ބުނެފިއެވެ.
އިއްޔެގެ ވޯޓަށްފަހު ޑީއާރުޕީ ޕާލިމެންޓަރީ ގްރޫޕްގެ ރައީސާ އަނީސާ އަހްމަދު މިނިވަން ނިއުސްގައި ވިދާޅުވީ "ދެން އަންނަ އިންތިޚާބެއްގައި ގައްޔޫމަށް ކުރިމަތިލެވޭނެކަމާމެދު އެއްވެސް ސުވާލެއް މިހާރު ނެތް" ކަމަށެވެ.
އިއްޔެ އޮތް ރައްޔިތުން ހާއްސަ މަޖިލީހުގެ ހެނދުނުގެ ޖަލްސާގައި އަނީސާ އަހުމަދު ހުށަހަޅުއްވާ މުހައްމަދު އަނިލް ތާއީދު ކުރެއްވި ހުށަހެޅުން 20 ކަމަށްވާ "އަމަލުކުރަން ފެށުމުގައި" ބަޔާންކޮށްފައިވަނީ، "(ހ) މި ޤާނޫނުއަސާސީއަށް އަމަލުކުރަން ފަށާނީ، މިޤާނޫނުއަސާސީ ރައްޔިތުންގެ ހާއްސަ މަޖިލީހުން ފާސްކޮށް ރައީސުލްޖުމްހޫރިއްޔާ ތަސްދީގުކޮށް ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެންނެވެ. (ށ) މި ޤާނޫނުއަސާސީއަށް އަމަލުކުރާ ދުވަހުން ފެށިގެން، 1 ޖަނަވަރީ 1998 ގައި އަމަލުކުރަން ފަށާފައިވާ "ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީ" އުވުނީއެވެ. (ނ) މިމާއްދާގެ (ހ) ގައި އެހެން އޮތްނަމަވެސް މިގާނޫނު އަސާސީގެ ދަށުން ރައީސުލްޖުމްހޫރިއްޔާއާއި ރައްޔިތުންގެ މަޖިލިސް އިންތިހާބުކުރެވެންދެން މި ބާބުގައި ބަޔާންކޮށްފައިވާ ކަންތައްތަކަށް އަމަލުކުރެވޭނީ މިބާބުގައި ކަނޑައެޅިގެން ބަޔާންކޮށްފައިވާ ގޮތަށް" ކަމަށެވެ.
ރިޔާސަތުން މިހުށަހެޅުމަށް ވޯޓަށް އެއްސެވުމުން ހާޒިރުވެތިއްވެބި 98 މެންބަރުންގެ ތެރެއިން 68 މެންބަރުން ފެނިވަޑައިގަންނަވާކަމަށް ވޯޓުދެއްވިއެވެ. ފެނިވަޑައިނުގަންނަވާކަމަށް ވޯޓް ދެއްވީ 20 މެންބަރުންނެވެއެވެ. އަދި އެއްވެސްކޮޅަކަށް ޖެހިވަޑައިނުގެން ވޯޓުދެއްވީ 6 މެންބަރުންނެވެ.
އަނީސާ ވިދާޅުވީ މިހުށަހެޅުން ރައީސް ގާސިމް ވޯޓަށް އައްސަވާނެކަމާމެދު ޝައްކު އުފެދިފައިވާއިރު، މިހުށަހެޅުމަމެދު ޑީއާރުޕީން ނެގީ "ޗާންސެއް" ކަމަށެވެ. މިޗާންސުން ކާމިޔާބުގެ ގާސިމް މިހުށަހެޅުމަށް ވޯޓަށް އައްސަވާ، މިހުށަހެޅުން ފާސްވުމުން "މި ޤާނޫނުއަސާސީ"ގެ މާނަވެސް ކަނޑައެޅުނީކަމަށް އަނީސާ ވިދާޅުވިއެވެ.
ނަމަވެސް މިމައްސަލާގައި އެމްޑީޕީ ޕާލިމެންޓަރީ ގްރޫޕުގެ ރައީސް ހަސަން އަފީފު ވިދާޅުވީ ހުށަހެޅުން 20 ފާސްވުމާ ގުޅިގެން މައްސަލަ ނުނިމޭކަމަށެވެ. މިމައްސަލަ ނިމޭނީ މިފަދަ ހުށަހެޅުންތައް މާނަކުރުމަށް ސުޕްރީމް ކޯޓަށް ހުށަހަޅައި އެކޯޓުން ނިންމާ ގޮތަކުންކަމަށް އަފީފު ވިދާޅުވިއެވެ.
އަނީސާގެ އިތުރު ހުށަހެޅުމެއްކަމަށްވާ ފުރަތަމަ ރިޔާސީ އިންތިހާބު ބާއްވައި މިޤާނޫނުއަސާސީގައިވާ ގޮތުގެ މަތިން އެމަގާމަށް މީހަކު އިންތިހާބުކޮށް އެމީހަކު އެމަގާމާ ހަވާލުވަންދެން، ރައީސުލްޖުމްހޫރިއްޔާކަމުގެ މަޤާމުގައި ހުރި ރައީސުލްޖުމްހޫރިއްޔާ އޭނާގެ މަޤާމުގައި ދެމިހުންނާނެކަމަށް އޮތް ހުށަހެޅުންވެސް މިއަދު ފާސްވާނެކަމަށް ބެލެވެއެވެ.
މިމައްސަލާގައި އަފީފް ވިދާޅުވީ ރައީސް މައުމޫނު ވެރިކަމުގައި ހުންނަވައިގެން މިނިވަން އިންސާފުވެރި އިންތިޚާބެއް ރާއްޖޭގައި ބޭއްވޭބެކަމާމެދު ބިރު އެބައޮތްކަމަށެވެ. ނަމަވެސް ވޯޓުލާ އާންމު ރައްޔިތުން "ސާބިތުކަންމަތީ" ތިބޭނަމަ އަދިވެސް މިނިވަން އިންސާފުވެރި އިންތިޚާބެއް ބޭއްވުމުގެ ޖާގަ އެބައޮތްކަމަށް އަފީފު ވިދާޅުވިއެވެ.
ޕީއޭގެ ދައުރު
އަނީސާގެ 20 ވަނަ ހުށަހެޅުމަށް ވޯޓުލެއްވި އަބްދުﷲ ޔާމީނުގެ ޕީއޭއަށް ނިސްބަތްވާ މެންބަރުންގެ ތެރޭގައި ހއ މެންބަރު ޖައުފަރު އީސާ އާދަމާއި، ގއ މެންބަރު އަބްދުﷲ ޖާބިރު ހިމެނިވަޑައިގަންނަވައެވެ. އަބްދުﷲ ޔާމީނާއި މ މެންބަރު އަހުމަދު ނާޒިމު ޖަލްސާއަކަށް ހާޒިރުވެވަޑައެއް ނުގަންނަވައެވެ.
No comments:
Post a Comment